كريم قاسم | ما تتعرض له ريهام حجاج إساءة وظُلم ممنهج

كريم قاسم ينضم لقائمة النجوم المدافعين عن الفنانة ريهام حجاج

كريم قاسم، الفنان المصري، أنضم مؤخراً لقائمة النجوم المدافعين عن الفنانة ريهام حجاج، حيث وصف قاسم ما تتعرض له ريهام حجاج مؤخرا من إساءة وتشويه بالظلم “الممنهج” واشار إلى أنه يملك الدليل على عدم صحة كل الاتهامات الموجهة إلى ريهام حجاج التي تتعاون معه هذا العام للمرة الثانية بموسم رمضان 2022.

كريم قاسم يدافع عن ريهام حجاج

قال كريم قاسم خلال مقطع فيديو تم بثه عبر حسابه بموقع انستقرام: مسلسل “يوتيرن” واجه افتراء من بعض الناس، حد يطلع يعمل مونتير ويقولك أنا اشتغلت وهو أصلا مالهوش علاقة بالمسلسل، وواحدة تتكلم على التتر وتقولك أصلها ظلمتنى، يا جماعة أنتوا بتلغوا مؤسسة كاملة، فيه شركة إنتاج، وفيه مخرج، وفيه ناس تانية بتاخد قرارات، أنا عمال أغنى ظلم ظلمات بتاعت التتر بسبب المواقف دى، فى إيه يا جماعة، وابتديت أحس إن فيه حاجة ممنهجة، بالذات ضد ريهام.

وتابع قاسم في الفيديو: “أنا متفهم إن فيه ناس ممكن ما تحبش ممثل، لكن لما جيت أركز شوية، ولما تابعت الكومنتات، لقيت حوالى 70 ٪ منها صفحات “فيك” عمرها ما نشرت بوستات.

وأضاف قاسم: “وبالمناسبة أنا تانى سنة أشتغل مع ريهام حجاج ما شوفتش منها حاجة واحدة وحشة، بل بالعكس وقفت جانبى كتير، أوقات كتير ماكنتش قادر أشتغل سواء السنة دى، أو السنة قبل اللى فاتت أو متضايق من حاجة أو كدة، كانت هى تتدخل وتحل رغم إن ده مش شغلانتها، ففعلا أنا ما شوفتش منها حاجة واحدة وحشة”.

وتابع قاسم قائلا: أما فيما يتعلق بالأستاذ توفيق، إحنا كلنا اتفاجئنا إنه نزل البوست ده فى التوقيت ده، بس أنا برضه مع شغلى معاه مقدر جدا، لأن الظروف اللى بنشتغل فيها اتغيرت، إحنا بنصور يوميا 14 و18 ساعة وأحيانا بنوصل لـ 23 ساعة يوميا، وطبعا أنا مقدر ظروفه الصحية.

يذكر أن الفنان محمود حجازي تدخل أيضاً فى وقت سابق للدفاع عن النجمة ريهام حجاج بعد تحميلها مسئولية إعلان اعتزال الفنان توفيق عبد الحميد الفن نهائيا، وأشار حجازي إلى أنه يتعاون مع ريهام للعام الثاني على التوالي ويرى نفسه شاهد عيان على ما تتعرض له من ظلم.