أشرف زكي، نقيب المهن التمثيلية فى مصر، أعرب خلال مداخلة هاتفية لبرنامج “حضرة المواطن”، عن إستياءه من تطبيق نظام “الفاتورة الإلكترونية”، وناشد الدكتور أشرف زكي، وزير المالية المصري والجهات المعنية بإرجاء العمل بالفاتورة الإلكترونية لحين إجراء حوار موضوعي مع النقابة.
الفاتورة الإلكترونية تهدد النشاط الفني في مصر
قال زكي: احنا مش فاهمين حاجة عن الفاتورة الإلكترونية وهي مش قرارات منزلة من السماء، انا بحترم منظومة الضرائب في مصر ولكن مينفعش نتفاجئ بحاجة مش عارفين عنها حاجة”.
وتابع: هل المطلوب مني بعد لما امثل مشهدين اسجل فاتورة الكترونية، الفنانين المطحونين اللى مش شغالين يجيبوا منين رسم تسجيل.
ولفت: فوجئت من شوية ببيان من نقابة المحامين بإرجاء تفعيل الفاتورة الإلكترونية مع المحامين لما بعد 15 ديسمبر، هل يتم الكيل بمكيالين؟..احنا عايزين ندفع ضرائب واحنا من اكتر الناس دافعي الضرائب، ولكن حد يفهمنا تمشي ازاي، انا مش هاخد معايا لاب توب ويندوز 10 واقعد اسجل.
وأضاف:هنبقى فريسة لبعض المحاسبين القانونيين اللى هيستغلونا ويقولولنا دي بـ5 ودي بـ10 لذلك يجب ارجاء تفعيل الفاتورة الإلكترونية لحين عمل حوار مجتمعي “.