هالة صدقي، النجمة المصرية، كشفت مؤخراً عن حصولها على الطلاق المدني من زوجها سامح سامي، ولكن مازال يوجد عدة معوقات تواجهها من أجل الحصول على الطلاق الكنائسي.
هل حصلت هالة صدقي على حكم بالطلاق المدني؟
تحدثت هالة صدقي خلال مداخلة هاتفية في برنامج “الحكاية” عن كواليس طلاقها فقالت : “أنا حاولت الحصول على الطلاق بكل الوسائل إللي هو تغيير ملة بس معرفتش الحقيقة فشلت وهو راح غير ملة وساعدني جداً أن الموضوع يخلص، والطلاق حصل لما هو غير ملته،”.
وتابعت: “شريعة الإسلامية هو لما يغير ملة إحنا أوتوماتيك بنبقى تبع الشريعة الإسلامية فنتطلق عادي، إحنا اتطلقنا مدني لكن الكنسي لسه، الكنسي إنك تروح الكنيسة والمجني عليه هو إللي بياخد تصريح”.
وعن مشاعرها بعد الطلاق، أجابت: أنا معنديش أي مشاعر ولا إحساس، يعني أنا بعتبر أن دي إجراءات ورق، يعني أنا مش فرحانة وبتاع لاء هي إجراءات الورق، الطلاق الفعلي حصل من 8 سنين لما عرفت أن إحنا استحالت العشرة مع بعض، فالطلاق نفسياً آه تعبت وقعدت حوالي سنتين أو 3 سنين مش مستوعبة إللي بيحصلي ده، كانت صدمات ورا بعض، لكن أنا خدت الصدمة من 8 سنين مش من دلوقتي، أنا دلوقتي ده إجراءات ورق حصلت حصلت محصلتش مش فارقة معايا.
هل ستشارك هالة صدقي في دراما رمضان 2022؟
خلال المداخلة الهاتفية علقت هالة صدقي على انتشار مقطع فيديو لها وهي تحتفل بعد إعلان نبأ طلاقها، وقالت إنها لم تكن تحتفل وإنما الفيديو كان أثناء كواليس تصوير مسلسل “العمدة” المقرر عرضه ضمن المسلسلات المصرية لرمضان 2023.
وتابعت قائلة: “المساعدة بتاعتي كانت بتعلمني الزغاريد، إني أزغرد بشكل شعبي، هي إللي كانت بتزغرد مش أنا على فكرة، لكن أنا في التصوير دايماً لازم يبقى فيه مزيكا وجو ودايماً بحط مزيكا على حسب الحالة إللي أنا بشتغل فيها.
