![تامر حبيب عن أزمة منة شلبي الأخيرة: من أسود الأيام اللي مرت عليا](https://nogoum.net/wp-content/uploads/2023/04/Copy-of-Website-featured-image8-9-780x470.jpg)
تامر حبيب، السيناريست المصري، تحدث عن أزمة الفنانة منة شلبي خلال استضافته ببرنامج “حبر سري”، ورد لأول مرة على حملات الهجوم التي طالته مؤخراً.
تامر حبيب عن أزمة منة شلبي
قال تامر حبيب: من أسود الأيام اللي مرت عليا وكنت قاعد هموت وروحتلها البيت ويومها عرفت قد إيه أنا بحبها وختها في حضني وكان همي إنها تضحك وتنبسط وأعمل أراجوز عشان تضحك، وكان في قسوة من البشر.
وأضاف: الناس كانت بتحكم على منة شلبي والضغط عليها جه من السوشيال ورد فعلهم عليها كأنهم أبو العريف ونازلين معاها من الطيارة.
وسألت الإعلامية أسما إبراهيم، تامر حبيب، عن رده على تصريحات المخرجة إيناس الدغيدي بشأن التشكيك في رجولته، ليرد: “اللي قالته مدام إيناس مفيهوش تشكيك في كده خالص”.
وتابع: أنا بحب مدام إيناس الدغيدي على المستوى الفني والشخصي، واللي قالته حصل له لعب في المونتاج، وتصريحاتها كانت رداً على كلام قيل في هذا الأمر، ولكن ليس رأيها الشخصي، موضحاً أن علاقته بالمخرجة لم تتأثر بهذ الموقف.
واستكمل حديثه: شكراً إن الموقف ده حصل، عشان لقيت الحب من كم البشر ده كله، ووقفوا معايا ومقبلوش الكلام والآراء التي اتكتبت وأنا مقرتهاش وضيعوا وقتهم على الفاضي.