شدد حسام حبيب خلال مداخلة هاتفية مع الأعلامية بسمة وهبة على أن عودته لشيرين عبد الوهاب مجرد شائعة حرص على نفيها منذ اللحظة الأولى، ولفت إلى أنه ظل حوالي أسبوع يحاول التواصل مع بعض من أصدقائها المقربين من أجل مساعدة شيرين للعودة مجددًا كما كانت وبعيدًا عن الأذى الذي تعرضت له مؤخرا.
حسام حبيب ينفي عودته لشيرين عبد الوهاب
حرصت بسمة وهبة على توجيه رسالة للجمهور المنتقد لأفعال شيرين وقالت: “إيه عرفكم ما يمكن شيرين مانفصلتش عنه، ويمكن مرجعتش؟”، لتثير الشكوك حول علاقة شيرين وحسام وفكرة عودتهما لبعضها البعض، وعدم طلاقهما من الأساس
وأوضح حسام أن كل ما يحدث وانتشار أنباء القبض عليه بسبب محاولة تخويفه وإبعاده عنها وأضاف: “ده ممكن يحصل أنا مش بخاف على نفسي أنا بخاف على أهلي، أنا مش هسيب شيرين تتأذى عشان خايف من الناس، أنا عايز الناس تقف معايا لحد ما ربنا يظهر الحقيقة، لو موقفتش جنبها مين هيقف جنبها، إذا كان أقرب الناس اللي من دمها مش بيطلوا عليها، أنا بطلب من الناس تمشي ورا الكداب لحد باب الدار”.
كما وجه حسام حبيب رسالة غير مباشرة إلى شقيق المطربة شيرين عبد الوهاب، وقال: “يعني الأخ دا بدل ما يشوه أخته ويشوهني يروح يبص عليها مرة واحدة بدل ما هو مضيع وقته في الكلام ده، وقت خناقاتنا كان بيتقالها كلام مش حقيقي زي دلوقتي، هو عنده القدرة يضحك على شعوب ولازم الناس تقف له، بس هو عامل حساب إن اللي قدامه مش بيقفله حفاظا على العشرة وأخته، لكن أقسم بالله مش هسيب حقي”.
