رزان جمال تحدثت عن كواليس تجربتها في فيلم “أسد”، خلال المؤتمر الصحفي مؤخراً، ووصفت دورها في فيلم “أسد” بأنه “دور العمر” بالنسبة إليها، وعبرت عن اعتزازها الكبير للمشاركة في العمل.
سلمى أبو ضيف تكشف تفاصيل شخصيتها في فيلم “إذما”
أضافت سلمى أبو ضيف عن شخصيتها “سيرة” في الفيلم: “اكتشفنا كل شوية إنه في حاجات بتوجعها أو في حاجات مضايقاها بس هي ما بتبينش ده، ولحظات ضعفها مش بتبينها غير في أوقات معينة، ولحظات ثانية ممكن تبان.. أنا أتمنى إن أنا كان يبقى عندي شخص صديق زي سيرة.”
ومن المفاجآت الجديدة في فيلم “إذما”، هو أداء الممثلة جيسيكا حسام لشخصية “سيرة” في مرحلة المراهقة، وقالت جيسيكا في تصريحاتها للبرنامج عن الشخصية التي تؤديها مع سلمى أبو ضيف: “شخصية سيرة هي شخصية عندها هوايات كتير، بتحب الفروسية، بترقص، وبتحب التمثيل.. سيرة الصغيرة مش بتبقى مخططة خالص لكل حاجة، وبتحب تعيش كل لحظة في وقتها، شخصية مش عندها قواعد، ومندفعة اندفاع حلو مش وحش”.
في حين كشف مؤلف ومخرج الفيلم محمد صادق، تفاصيل مشوقة أخرى عن الفيلم، وفسر عنوان الفيلم قائلاً: “إذما هي حرف شرط، اختصار “إذا ما”.. أنا شفت إن هي لازم الشخص يعمل حاجة عشان يلاقي حاجة، فكانت كلمة إذما هي ملخص الرواية والقصة كلها بالنسبة لي”.
وكشف مخرج فيلم “إذما” أن قصة الفيلم تدور حول فكرة “الطفل الداخلي” داخل الشخص، وقال: “القصة بتاعه الطفل الداخلي جواك، وإيه اللي بيخلي الكبار اللي حوالينا كلهم عينيهم ميتة دي؟ ده كان سؤال عمري كله.. وحلفت إن أنا أثبت عكس ذلك، إنك ممكن توصل لكل حاجة بالنقاء اللي أنت عايزها”.
في حين كشفت النجمة سلمى أبو ضيف أسرار مشوقة عن استعداداتها لشخصيتها في فيلم “إذما”، وقالت إنها تعلمت الرقص من أجل إتقان شخصيتها في العمل بجانب أحمد داوود.
وقالت سلمى أبو ضيف في تصريحاتها: “إحنا كان عندنا في الفيلم رقصتين “باتشاتا”، أنا وأحمد داوود أخدنا دروس مع ندى أيوب وصلاح، أنا كنت أول مرة يعني آخد دروس من النوع ده اللي هو سالسا أو باتشاتا أو كده، واتبسطت جداً”، وقالت عن هذه التجربة الجديدة في مسيرتها: “حسيت إن أصلاً أي نوع من أنواع الرقص بيخرج من الواحد.. أنا كنت أبقى داخلة في حالة وطالعة في حالة تاني خالص، بس يعني اتبسطت جداً”.
