أحمد زاهر، تحدث عن مشاعره الخاصة حول انتظار حفيدته الأولى من ابنته ليلى زاهر، وذلك خلال لقائه الأخير مع برنامج “منا وفينا” على قناة “المشهد”، وقال أحمد زاهر إنه يشعر بمزيج غريب من الخوف والفرح الشديد باقترابه من أن يصبح جداً للمرة الأولى.
هكذا يستعد أحمد زاهر لاستقبال حفيدته الأولى
أحمد زاهر ينتظر استقبال حفيدته الأولى من ابنته ليلى، واعترف أنه لم يستوعب بعد فكرة أن ابنته الصغيرة كبرت وتزوجت وستصبح أماً قريباً.
وكشف أحمد زاهر عن كواليس تلقيه خبر حمل ابنته ليلى زاهر، وقال إن زوجته هدى زاهر أعدت له مفاجأة مع ابنته، حيث طلبت منه الذهاب إلى المنزل على وجه السرعة، وعندما دخل إلى المنزل وجد ابنته تحمل حذاء صغير ووجد زوجها هشام جمال يقوم بتصوير رد فعله، وعرف على الفور أن ابنته حامل في طفلتها الأولى، وشعر بذهول شديد ولم يصدق الأمر، وكانت ردة فعله الأولى هي احتضان ابنته وزوجها والاحتفال معهما.
وقال أحمد زاهر عن مشاعره حول هذا الحدث في حياته: “أنا هبقى أصغر جد، أنا شخصياً مش مصدق، هي حاجة غريبة يعني.. إحساس غريب.. أنا أول ما عرفت اتخضيت خضة، الأول ما كنتش مصدق إنها اتجوزت، دلوقتي مش مصدق إنها هتبقى أم.. يعني دي لسه صغيرة على كل ده، ليلى روح قلبي من جوه بالنسبة لي الموضوع ده إحساس غريب.. أنا بالنسبة لي أعز حاجة عندي.. حاجة في الحياة بناتي، فـإن تيجي حاجة جديدة بقى ومنها.. مش عارف.. مش عارف أحس بإيه ساعتها بس أكيد هبقى فرحان قوي يعني”.
وأضاف أحمد زاهر في تصريحاته عن مشاعره المتوقعة بعد ولادة حفيدته الأولى:”مش عارف هبقى أكيد خايف أشيلها لأنها تبقى صغيرة قوي.. الموضوع بالنسبة لي أصله لأنها حاجة جديدة طبعاً عليا ما جربتهاش قبل كده، فالموضوع بالنسبة لي مرحلة جديدة.. أنا مش عارف هبقى فيها عامل إزاي يعني، هل هبقى فعلاً هحب البنت الصغيرة الجديدة دي أكتر من بناتي يعني على حسب الأمثال اللي بيقولوها؟ ولا هبقى بحبها طبعاً بس بناتي برضه أكتر؟ مش عارف.. يعني أنا ممكن بقى أسيب البيت وأسيب التصوير وأجري بسرعة علشان أروح أشوفها، يعني عندي الإحساس ده.. أنا حاسس إن أنا مستنيها أشوفها علشان أفضل طول الوقت في حضنها..”.
