رغم نشر أحمد العوضي مؤخراً تدوينة أوضح من خلالها حقيقة إساءته إلى ياسمين عبد العزيز، في برنامج “قصتي”، إلا أن أحمد العوضي تعرض لهجوم جديد بعد اعتبار تصريحاته إساءة للمرأة أيضاً، بعد تداول مقطع من اللقاء ظهر به وهو يتحدث خلاله عن تغير أفكاره بحسب مراحل حياته وشبه الأمر بأنه زمان كان عاشقا للسيارات القديمة أما الآن أصبح محبا للسيارات الحديثة الفخمة، وهو ما اعتبره الجمهور بمثابة تلميح مسيء لزوجته السابقة النجمة المصرية ياسمين عبد العزيز في ظل أيضًا أنباء ارتباطه بالفنانة يارا السكري.
أحمد العوضي يكرر اعتذاراته
نشر أحمد العوضي سلسلة من الفيديوهات دافع بها عن نفسه ضد الانتقادات، ومنها فيديو نشره برنامج “إي تي بالعربي”، وقال به العوضي: “طبعاً أنا شفت إمبارح ناس اتكلمت وناس قالت، وعوضي يقارن بين إيه بإيه.. والكلام ده عاري تماماً من الصحة، تماماً تماماً تماماً.. وأنا لما كتبت بوست اعتذار لما لقيت إن الكلام ممكن يروح في حتة إن هو يمس أشخاص وأنا بقدرهم وبحترمهم، فنزلّت اعتذار عن لو كان الكلام متفهم غلط، لكن أنا أصلاً ما قلتش حاجة.. أنا أساساً ما قلتش حاجة”.
وقال أحمد العوضي في رده الأخير: “وأنا لما عملت الحلقة.. الحلقة ساعة و38 دقيقة بالمناسبة يعني، فساعة و38 دقيقة أنا قلت فيها كلام كتير جداً وعريض جداً في كل كلمة بقولها، وعارف أنا بقول إيه عشان محدش يقول لي: لا انت عارف وانت قاصد ودخلت في نيتي وثبّتني وقلت إن أنا قاصد وإن أنا مش عارف إيه والجو ده.. هو الكلام ده كله مش حقيقي.. الموضوع إن هو الراجل كان بيسألني في إن الذكريات الجديدة ممكن تنسي الذكريات القديمة.
فأن بصيت له بالصراحة ونِصاً قلت له كده: قلت له بص هقول لك على حاجة، كل مرحلة في الدنيا ليها ذكرياتها الخاصة.. أنا بقول مرحلة.. المرحلة دي بتشمل سكن، بتشمل حد في حياتك، بتشمل سيارة أنت جبتها، شغل أنت بتشتغل وبتاع.. أنا وسعت المعنى.”
وتابع أحمد العوضي في رده: “فضربت مثال بالعربية وكلمت بشكل تلقائي وقلت لما جبت كذا كنت فرحان وسعيد سعادة غامرة، ده اللي قلته.. ولما جبت المرسيدس عملت كده وقلت إن أنا أبويا.. إن أنا أصلاً كنت بركب “132” اللي كانت مع أبويا، فلو أنا قاصد أو أنا رايح لتلميح أو إن أنا أقصد من المعنى السيء ده، أكيد مش هجيب سيرة أبويا وعربية أبويا والحاجات دي يعني! أكيد أنا مش بالغباء ده يعني.. ده معناه إن أنا كنت بتكلم فعلاً على حدث العربية.”
واختتم أحمد العوضي رده قائلاً: “وقلت حتى بعديها، بس هو كلام اختزل، إن أنا بعد المرسيدس جبت مرسيدس وغيرت المرسيدس تاني تماماً.. فهو الموضوع اختزل ما بين عربية وعربية والكلام الفاضي ده، واكيد أنا مش بالغباء ولا أنا بالسذاجة إن أنا أطلع أشبه التشبيه الدنيء والوضيع ده، لأن أنا في الآخر عندي خالة وعندي عمة وعندي بنت خالة وبنت عمة، فأكيد أنا مش هبقى هما اللي مسيطرين على تفكيري فأكيد أنا مش هغلط الغلطة دي”.
