
حسن يوسف، الفنان المصري الكبير، نفى صحة تصريحات منسوبة إليه، خلال اتصال له مع Et بالعربي ، حول أن المشاهد الرومانسية في الأعمال الفنية قديما كانت خالية من المشاعر ولهذا لا يعتبرها حراما.
حسن يوسف ينفى تصريحاته حول مشاهد “القبُلات”
أكد حسن يوسف أنه لم يصدر عنه مثل هذا الكلام ولا يعتبر نفسه شيخا حتى يقدم فتوى حول الحلال والحرام في الفن، مستشهدا بحوار سابق مع الشيخ الشعراوي، وأشار إلى أن التصريحات المنسوبة له شهدت تحريفا لدعابة قالها أثناء الحوار.
وقال حسن يوسف: “أنا مقولتش الكلام ده أنا مش شيخ ولا مفتي عشان أقول ده حلال ولا حرام، أنا بنكت معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض بعدها علشان ده حلال ولا حرام وقال حاجة من عنده كده”.
وأضاف: “كنت قاعد مع الشيخ الشعراوي وسألني الكوباية بنشرب فيها ايه؟ قولتله شاي، فقالي لو حطينا بدل الشاي ده منكر قولت له يبقى حرام، قالي إيه ذنب الكوباية، فالفن زي الكوباية دي بيتقدم فيه حلال يبقى خلال بتقدم فيه حرام يبقى حرام”.
ثم تابع: “أنا مش عاوز أتكلم في الموضوع، ده موضوع مالوش لازمة يعني يتسأل عنه أصحابه اللي بيأدوه، اللي بيأدوا نفس المشاهد يعني”.
وكان حسن يوسف قد تحدث عن نصيحة الشيخ محمد متولي الشعراوي له فى تصريحات سابقة ، حيث قال حسن يوسف خلال لقاء تليفزيوني: “قال لي الشعراوي هل أنت مُزارع؟ فأجبته لا، قال لي هل أنت فلاح؟ جاوبته بلا أبدًا، فزاد حديثه علي لا تشغل بالك بغير عملك الذي سخر لك الله فيه، وقتها اقتنعت ولكن كنت قد خسرت أكثر من 7 آلاف جنيه في السبعينات”.