أحمد حلمي، النجم المصري، عبر في عدة مواقف سابقة عن قوة علاقته بالفنان الراحل حسن حسني لدرجة انه يعتبره بمثابة والده، وكان اَخر هذه المواقف هو تذكر أحمد حلمى للفنان الراحل برسالة مؤثرة بمناسبة يوم الاب العالمي 2022.
أحمد حلمي يتذكر الراحل حسن حسني
نشر أحمد حلمي فيديو من أحد مشاهده مع حسن حسني في فيلم “زكي شان”، ووجه إليه رسالة مؤثرة قائلاً: “بمناسبة عيد الأب كل سنة وانا طيب وكل سنة وكل أب طيب وبخير وسند لأولاده وأسرته.. الله يرحمك يا ابويا .. والله يرحمك يا عم حسن .. طول عمري كنت بحس ان عم حسن حسني زي ابويا فعلا جوه التمثيل وبره التمثيل.. كان علطول بيقولي ياض يا احمد زي ما كان ابويا بيقولي”.
وكان أحمد حلمي قد احتفل بتكريم حسن حسني في مهرجان القاهرة قبل وفاته، وقال وقتها على حسابه بانستقرام: “مبروك تكريم الاستاذ حسن حسني في مهرجان القاهرة السينمائي الدولي.. حسن حسني هو السند والضهر القوي لأي فنان بيمثل قدامه.. استمتاع حقيقي بكل كلمه وجمله بيقولها.. سواء كانت قدام الكاميرا في مشهد او ورا الكاميرا مع كباية شاي في التصوير ميحلاش شرباها الا معاه.. مبروك”.
الجدير بالذكر أن أحمد حلمي عمل مع حسن حسني في معظم أفلامه وأشهرها مثل فيلم “زكي شان” و”جعلتني مجرماً” و”على جثتي” وفيلم “خيال مآتة” عام 2019، بالإضافة إلى عملهما في فيلم “الناظر” مع الراحل علاء ولي الدين وغيرها من الأعمال.
وترك رحيل حسن حسني حزناً كبيراً فى نفس أحمد حلمى، حيث نعاة في رسالة مؤثرة فكتب: “الفنان العظيم حسن حسني كان بمثابة الأخ اللي مابيرفضش لحد طلب والأستاذ اللي بيحب تلاميذه وخايف علي مصلحتهم وعايز يشوفهم أفضل منه..”.
وتابع: “كان الصديق الوفي الجدع والأب اللي بيحب الخير لاولاده وجايز أكتر من نفسه.. الله يرحمه كان بيحترم الصغير قبل الكبير.. حقيقي في ناس بتروح للي خالقها و بيفارقونا لكن سيرتهم بتفضل خالده وعايشه معانا ومع أجيال تانيه بعدنا .. هتوحشنا يا عم حسن أوي .. في الجنة ونعيمها يارب”.
