آيتن عامر، الفنانة المصرية، أشادت بموهبة زميلها بيومي فؤاد خلال حلولها ضيفة على برنامج “سينماتك” على قناة “sbc السعودية”، وكشفت لأول مرة عن اسم تدليله وهو “بيمبو”، وتحدثت عن أسباب تكرار تعاونهما معا.
آيتن عامر تمنح بيومي فؤاد لقب “عمدة الكوميديا المصرية”
قالت آيتن عامر خلال اللقاء: بحب الشغل مع “بيمبو” -تقصد بيومي فؤاد- وبعتبره عمدة الكوميديا في مصر. وكشفت عن كواليس تصوير مشاهدهما في فيلم عنب قائلةً: “رجل جميل وبيساعد كل اللي حواليه ومش أناني.. لو فيه إفيه مش ينفع يقوله هيقول لحد تاني يقوله”.
وحول فكرة فيلم “عنب” قالت آيتن عامر: “بيناموا وبيصحوا بيحصلهم مشكلة كبيرة جداً.. وفجأة يلاقوا ناس داخلين بالمشكلة دي… الناس بتجري وراهم وناس بتطاردهم.. وناس عاوزين يموتوهم ومش فاهمين دا ليه.. والليلة اللي فاتت هما مش فاكرين أي حاجة عنها.. فبيمشوا خطوة خطوة لحد ما يلاقوا حل للمشكلة”.
وكشفت آيتن خلال اللقاء أيضاً أن تركيزها هذه الفترة سيكون على الأفلام، مشيرةً إلى أنه ليس لديها أي عمل درامي حالياً، وقالت: “الناس دلوقتي بتدور على أي حاجة تبسطها.. وأي حاجة تضحكها عشان كدا معظم الأعمال اللي بتنتج كوميدي.. هو دا دلوقتي اللي السوق محتاجه.. إحنا عايشين في ضغط وكوارث طبيعية…الفن إلى حد ما ممكن بيبقى بشارك ولو بجزء بسيط إنه يغير موود الناس”.
