وجهت الفنانة إلهام شاهين انتقادات لاذعة للفنان أحمد زاهر بعد تصريحه الأخير و قالت : لو مش بتحترم أهل الفن بلاش تبقي موجود معاهم.
وجاء هجومها ذلك بعد تصريح الفنان أحمد زاهر رداً علي سؤال وجه إليه من خلال حوار أجري معه وكان السؤال : هل تقبل أن تقوم بناتك بمشاهد ساخنه ؟! . حيث رد : أنا انسان شرقي و مربي بناتي علي خطوط حمراء فالمشاهد الساخنه سيئه جارية و هتفضل جارية في حياة صاحبها ” . صرح الفنان أحمد زاهر فيما بعد في مداخلة تليفونية مع ” مذيع مصر ” إن هذا السؤال كان قد أستفزه و وصفه بأنه ” سؤال في منتهي القذارة ” . وأنه لم يقصد أحد في تصريحه فهو يتحدث عن نفسه .
هذه التصريحات أثارت غضب إلهام شاهين مما جعلها تقوم بالرد علي أحمد زاهر وقالت في تصريح خاص ل “جريدة الوطن” : الدين لوحده والفن لوحده والسياسة لوحدها كل حاجه لازم تبقي لوحدها منخلطش الأمور ببعضها، ومش كل واحد يكلم في شيء مش بتاعه، ولو أنت مش محترم الفن وأهل الفن، بلاش تبقى موجود معاهم.
وأضافت “إلهام” أيضا : أنا مش بحب اللي يقولوا آراء دينية جوه الفن، دي حاجة ودي حاجة وكل حاجة ليها ناسها الفن وحده والدين وحده وكل واحد ياريت يبقى في تخصصه.
كما قال الفنان أحمد زاهر في مداخلته مع ” مذيع مصر “: أنا مش فاهم هي ليه ردت عليا أنا مبتكلمش علي الفنانة إلهام شاهين لأنها فنانة كبيرة و عظيمة أنا سبت الموضوع و سكت عشان مش عايزه يكبر عن كده ” ثم قال : ” أنا مش شيخ و مدخلتش الدين في الموضوع بالعكس أنا بسلم عن الناس و ببوسهم أنا مش أوي زي يوسف الشريف و كل واحد حر “.
القبض علي ليلي زاهر
وفي سؤاله عن ليلي بنته و ردها علي هجوم الفنانة إلهام شاهين علي والدها أحمد زاهر قال : ” أنا بنتي مردتش علي حد و هاتلي بوست أو كلام ان أنا بنتي ردت أنا بنتي متكلمتش ولو أتكلمت هقطع رقبتها لأن مينفعش نرد علي فنانة كبيرة زي إلهام ، إذا كان أنا مردتش بنتي هترد ” . و قد جاءت مداخلة أحمد زاهر بعد إنتشار خبر القبض علي بنته بسبب ردها علي إلهام شاهين و نفي الخبر وقال أنه غير صحيح بالمره ، ثم أضاف : “أنا بنتي نايمه هقول عليها نايمة وهي مقبوض عليها”.
اقرأ أيضا
أفلام عبلة كامل بعفويتها وتلقائيتها تملكت قبل الجمهور- تقرير.