إنجي عبد الله كشفت عن تفاصيل صعبة مرت بها خلال الفترة الماضية وتحديدًا منذ انفصالها عن زوجها في عام 2018، وإصابتها بورم في جذع المخ، مما جعلها حديث السوشيال ميديا خلال الساعات الماضية.
إنجي عبد الله تكشف تفاصيل إصابتها بورم في المخ
إنجي قالت عبر حسابها الشخصي على فيسبوك إنها اكتشفت إصابتها بورم في جذع المخ عقب الطلاق من زوجها في عام 2018، وبدأت أولى مراحل علاجها في عام 2019 برفقة أسرتها فقط وقالت إنجي في تدوينتها: “عدى 6 شهور بحاول اتعالج للمرة الثانية من ورم في جذع المخ، وهو مش سرطان ، هو ورم حميد، لكن موجود في اخطر مكان في المخ، للأسف كل الدكاترة في مصر وبره مصر، أساتذة في مجال الأورام والمخ والأعصاب، رفضوا يعالجوني، لأنى أخدت كل جلسات الإشعاع والكيماوي المسموح ليا وللمكان الصعب ده سنة 2019”.
وتابعت: “وكنت فاكرة خلاص أنا تمام، لكن للأسف رجعت لي أعراض اسوأ بكتير من زمان، أنا فقدت الإحساس بالجنب اليمين، وصعوبة في البلع وكهربا في جسمي كله لما بعمل أي حركة بسيطة حتى لما بحرك عيني، وفي حاجات تانية كتير، حتى انا رجعت للمستشفى اللي اتعالجت فيها قبل كده، بنصيحة من دكتور تامر النحاس اللي هو شخصيا رفض يعالجني، والمستشفى طلبت مني أمضي إقرار اني مسئولة تماما عن كل اللي ممكن يحصل لي لو اتعالجت، طبعا مشيت من الخوف”.
وأضافت إنجي عبد الله: “دلوقت أنا مع الدكتور الوحيد اللي وافق انه يجرب علاجات خفيفة تلطيفية لمحاولة تحسين جودة الحياة مع انتظار معجزة، انا مش بحاول اتعالج علشان متمسكة بالحياة انا بس تعبانة جدا بقالي كتير، وبدعي ربنا بحاجة واحدة بس.. اللهم لا نسألك رد القضاء ولكن نسألك اللطف فيه”.
واختتمت إنجي تدوينتها: “الشخص اللي واقف جنبي وبيساعدني ان اعمل ابسط الحاجات اليومية اللي خلاص بقت مستحيلة إني اعملها لوحدي هي اختي اللي عندها ورم في الرئة والمخ مرحلة رابعة، وكنت فاكرة إن أنا اللي هخلي بالي منها، أنا حالتي بتتأخر كل شوية، والمرة دي شفت حاجات صعب اني حتى أوصفها، أنا راضية بقضاء ربنا الصعب أوي أوي ليا ولأختي، لكن الحياة بجد صعبة جدا ومفاجئتها أصعب، ادعوا لي”.
من هي إنجي عبد الله؟
من المعروف أن إنجي عبد الله ولدت عام 1977 وهي ملكة جمال مصر لعام 1999 وممثلة مصرية، تزوجت عام 2015 من شخص يدعى ألبر بوسوتر القائم بأعمال سفارة تركيا بالقاهرة، وأعلنت عام 2016 عن إصابتها بورم في المخ والنخاع الشوكي.
وبدأت إنجي عبد الله حياتها الفنية بفيلم “بدر” عام 2001، وقررت اعتزال التمثيل لفترة، فيما كان مسلسل “امرأة فوق العادة” عام 2007 هو أول عمل لها بعد عودتها للتمثيل مجددا، وشاركت إنجي في 12 عملا فنيا، وكان آخر أعمالها الفنية فيلم “حسن دليفري” عام 2016.
ومن أبرز أعمال إنجي التليفزيونية، مسلسلات “ألوان الطيف، شطرنج ج1، شطرنج ج2، تماسيح النيل، مدرسة الاحلام، النار والطين، اختفاء سعيد مهران، امرأة فوق العادة، ساعة عصاري”، أما من أعمالها السينمائية، أفلام “حسن دليفري، هجوم منتصف الليل، بدر”.
