استرجع الفنان المصري حسام داغر ذكرياته مع الفنانة الراحلة حياة الفهد، وكشف عن تأثيرها الكبير في طفولته وحياته، كذل استعاد عدد من النجوم ذكرياتهم ولحظاتهم مع الفنانة حياة الفهد، ونشروا العديد من الصور التي جمعتهم مع الفنانة الراحلة.
حسام داغر يكشف تأثير الراحلة حياة الفهد في طفولته
قال داغر في رسالته: “راحت خالتي قماشة، راحت مبروكة، راحت سبيكة، راحت ام هارون، راحت حياة الفهد.. أول ممثلة اشاهدها في حياتي وانا طفل في دولة الكويت، كنت مع والدي في الشغل وكانوا بيصوروا المشهد الأخير في مسلسل (علي الدنيا السلام) وهما بيجروا هي وسعاد عبدالله ربنا يديها الصحة بيرجعوا تاني المصحة هرباً من عمهم المرحوم الممثل علي المفيدي، وشافتني وسلمت عليا وانا كلي انبهار بعالم الممثلين ولوكيشن التصوير”.
وتابع حسام داغر في رسالته: “يمكن ده زرع جوايا حب الفن والتمثيل وقتها وانا لسه ٧ سنين وفاكر وشها وحنيتها وهي تقولي كل زين انت ضعيف ليه زي الصوص الممصوص، ضحكت وكان ده شكلي وقتها، بحبها قوي وتعبها ربنا يجعله في ميزان حسناتها وخبر رحيلها اثر فيا بشدة كان عندي امل ترجع تاني وتمتعنا تاني.. شريط كامل من ذكرياتي وحياتي مر قدامي، أدوارها محفورة في قلبي.. الكوميدية والدرامية، كانت شعلة من الفن والموهبة والصدق، تستحق لقبها سيدة الشاشة الخليجية حقيقي.. بحبك يا ام سوزان، كان نفسي احقق امنيتي وحلم الطفولة بالوقوف أمامك لكن ربنا اختارك جمبه وده الافضل طبعا”.
