الإعلامية لميس الحديدي واصلت احتفالها بخطوبة ابنها نور عمرو أديب، وشاركت الجمهور مؤخراً العديد من اللقطات الجديدة من الحفل، وكذلك عدة صور من كواليس وتجهيزات الحفل.
رسالة مؤثرة من لميس الحديدي لابنها بعد حفل خطوبته
لميس الحديدي علقت على أصداء حفل الخطوبة واهتمام الجمهور بظهورها في الحفل برفقة أسرتها وأصدقائها، وكشفت عن مشاعرها الخاصة والمؤثرة بسبب احتفالها بخطوبة ابنها، وذلك من خلال رسالة مؤثرة عبر حسابها بانستقرام مؤخراً.
وقالت الإعلامية لميس الحديدي في رسالتها الجديدة: “ساعات الكلام يعجز أن يعبر عن كل المعانى.. معاني الشكر والإمتنان لكل الحب والسعادة اللى حاوطتنى فى خطوبة ابنى نور اديب وحبيبتى القمر مريم السطوحى ..المشاعر الحقيقية بتبان وبتوصل، وأنا امبارح كنت فى طوفان حب حقيقى وصلنى من كل الناس، عائلة مريم الجميلة اللى زودوا عيلتى، أهلى وعائلة ابني واصحابى اللى دايما سندى وفى ضهرى.. صوت صديق عمرى هشام عباس اللى ملأ الدنيا فرح”.
ووجهت لميس الحديدي عدة رسائل لصديقاتها من الوسط الفني بعد الدعم الكبير الذي تلقته منهن في حفل خطوبة ابنها وقالت: “سعادة ليلى علوى وإلهام شاهين وهالة صدقى.. كل الاتصالات اللى وصلتنى من مصر ومن خارج مصر.. كلها كانت امبارح طاقة فرح امدني الله بها، دايما بنسمع اغنيه يا دبلة الخطوبة ونضحك ونفرح، وانا بأقدم الشبكة كان جوايا مشاعر كتير مختلطة ده ابنى نور الصغير اللى لسه كنت بوصله اتوبيس المدرسة، الحمد لله كبر وبقى عريس.. وزى كل ام بتفتكر الطريق الطويل والحلم ان يصل ابنها لبر الأمان رغم رغم الصعاب، دى حكاية كل ام وحكايتى”.
واختتمت لميس الحديدي رسالتها المؤثرة قائلة: “شكرا لكل كلمة حب شكرا لكل ابتسامة وضحكة من القلب، شكرا انكم شاركتونى فرحتى، شكرا للدعم اللى دايما محتاجاه و بيسندن .. ودايما الحمد لله في أفضالك ونعمك علي لا تحصى ويكفينى انك رزقتنى ب ابن بار وصالح وابنة جميلة بنت عيلة طيبة وأصيلة”، وتلقت لميس الحديدي العديد من رسائل الدعم من صديقاتها النجمات، وعلى رأسها هالة صدقي، والتي نشرت فيديو من احتفالها بها وقالت: “اجمل حاجة انك تشارك اصحابك وحبايبك في أفراحهم، ويا رب تفضل الدنيا حواسهم افراح، الف مبروك لحبيبتي وصاحبتي الجميلة العزيز لميس الحديدي ويا رب ربنا يفرح قلبك علي طول والدنيا حواليكي يبقي كلها افراح، مبروك للعزيز الغالي عمرو اديب ربنا يخليلك ولادك”.