![سعيد صالح...الحاضر الغائب في مسلسل ملوك الجدعنة](https://nogoum.net/wp-content/uploads/2021/04/New-Project1-min-16.jpg)
كتبت هند ابنة الفنان الراحل سعيد صالح على صفحتها بالفيسبوك عن حديث المخرج أحمد خالد موسى لها بخصوص ظهور سعيد صالح في مسلسله ملوك الجدعنة.
![منشور نجلة الفنان](http://nogoum.net/wp-content/uploads/2021/04/330818_01-min-1-300x193.jpg)
وبعدما عرضت الحلقة الخامسة تكشف لها مقصده فقالت “اول يوم رمضان صديقى الأستاذ احمد خالد موسى مخرج مسلسلملوك الجدعنة قالى فيه مشهد فى الحلقة الخامسة مخصوص عشانك، وان المشهد مستوحى من حوار لبابا..”
أضافت نجلة الفنان : “طبعا انا كل اللى جه فى دماغى انه مشهد فى فيلم او مسلسل
و بقيت اركز و اركز اكتر فى سلام يا صاحبى بالذات لأن الناس بتقول من قبل ما تتفرج على المسلسل انه نسخة من سلام يا صاحبى، مع ان المسلسل مالوش اى علاقة فعلا.
و لما جت الحلقة الخامسة و لقيت الفنان محمد عبد العظيم قال الحوار المكتوب فى الصورة .. وقفت و صقفت و دمعت و حسيت بشوية مشاعر مش فاهماها.
ده كان رد بابا فى حوار تليفزيونى لما اتسأل عن سنة السجن و هل كان خايف من وجوده وسط المجرمين او لا.
انا بجد فرحانة اوى ان الحوار كان من حوار شخصى لبابا مش حوار من فيلم مثله سعيد صالح.”
ثم شكرت صديقها المخرج أحمد خالد موسى والفنان محمد عبد العظيم.