ملك زاهر، اقلقت الجمهور مؤخراً بعدما كشفت عن تدهور حالتها الصحية والنفسية ونقلها المستشفى، وكشفت أن الأطباء لم يستطيعوا تشخيص حالتها وقتها، وذلك قبل أن تنشر رسالة جديدة مؤخراً، تكشف من خلالها عن تشخيص حالتها.
ملك زاهر تكشف تشخيص حالتها الصحية
قالت ملك زاهر: “انا والله ما كنت متوقعة كل الي حاصل ده انا لما حبيت اشارك حالتي الصحية كان عشان انا كنت مخضوضة جدا علي نفسي، وفكرة ان لا انا ولا الدكاترة حتي عارفين انا عندي ايه كانت رعباني، وكنت محتاجة بس اوصلكم اني حياتي فيها الحلو وفيها الوحش، وعندي يقين في ربنا انه هايقومني بالسلامة وان شاء الله تبقي حاجة بسيطة بس من خضتي كتبت مع ان دي مش طبيعتي اني اشارك الحاجات السلبية”.
وأضافت ملك زاهر حول حالتها الصحية: “أنا الحمد لله بقيت أحسن من الاول وبطلت اروح المستشفى الحمد لله بحمد ربنا انها جت علي اد كده، حتي لو الايام الي فاتت كانت صعبة واللي عندي ده حاجة مخيفة شوية وخضتنا بس برضو انا كويسة والحمد لله انها جت علي اد كده،اكيد ربنا حماني من حاجة اكبر واهم حاجة إن عرف السبب بطل العجب والحمد لله اننا عرفنا، هي حساسية شديدة فالدم الموضوع critical شوية بس انا مطمنة، انا بخف وباتحسن كل يوم الحمد لله والشكر لله، ومافيش حاجة خطيرة باذن الله، انا اسفة لو كنت قلقتكم”.
