مي عمر كشفت عن انتهائها من تصوير آخر مشاهد مسلسلها الجديد “إش إش”، وذلك قبل انطلاق موسم رمضان 2025 بما يقارب 3 أشهر، وهو ما يجعلها تنتهي من تصوير المسلسل مبكراً وبفترة كافية قبل العرض، لتصبح بذلك أول فنانة تحجز مقعدها في موسم رمضان المقبل.
مي عمر تنتهي من مسلسلها الرمضاني تصوير مسلسلها الجديد “إش إش”
نشرت الفنانة مي عمر فيديو لها مع فريق عمل مسلسلها “إش إش”، عبر حسابها بانستقرام، أثناء الاحتفال بانتهاء تصوير المسلسل، وظهرت في الفيديو برفقة الفنانة هالة صدقي وزوجها المخرج محمد سامي.
ووجهت الشكر لفريق عمل المسلسل في رسالة مؤثرة، ودعت بها زملائها في موقع التصوير وقالت: “الحمد لله رب العالمين فركش مسلسل إش إش.. حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح”.
وأضافت الفنانة مي عمر في رسالتها في نهاية رحلة تصوير مسلسل “إش إش”: “حبيت كل لحظة قضيتها وأنا بجسدها، وحاسة إن جزء مني هيفضل معاها دايماً، وهيوحشني كل تفصيلة فيها بجد، شكراً من قلبي لكل حد شاركني الرحلة دي، من الممثلين اللي كانوا أحلى عيلة وأحلى صحاب بجد، كنا عيلة واحدة، نضحك سوا، نتعب سوا، وندعم بعض طول الوقت.. شكرًا لكل واحد فيكم، على كل لحظة ضحكنا فيها، وكل موقف وقفنا فيه جنب بعض. وجودكم خلّى التجربة دي ممتعة، وخلاني أحس إني فعلاً محظوظة بالشغل مع ناس زيكم. مش هنسى الذكريات الحلوة دي أبداً، وهيوحشني كل حد فيكم”.
وتابعت مي عمر في رسالتها المؤثرة: “شكرا لكل فرد من فريق العمل اللي اشتغل بإخلاص عشان يطلع العمل ده بأحسن شكل، فريق العمل في إش إش كان سر نجاح كواليس التجربة دي.. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل بجد، ما حسيتش إني لوحدي لحظة، كلنا كنا إيد واحدة ودايمًا بنسند بعض.. شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم”.
