علي الحجار، المطرب المصري، تحدث خلال حواره مع الإعلامي خيري رمضان في برنامجه حديث القاهرة، عن أزمته مع الفنان مدحت صالح والتي تخص مشروعه 100 سنة غناء.
هل تصل الأزمة بين مدحت صالح وعلي الحجار للقضاء؟
قال علي الحجار أن الصياغة المناسبة للخروج من الأزمة الحالية بالاستحواذ على مشروعه وتغيير اسمه هو عودة الحق له، قائلاً: الطريقة المناسبة لحل هذه الأزمة أن حقي يرجع لي ويطلعوا يقولوا ده مشروعي، ولو مدحت صالح أو خالد داغر عرفني أنه هيعمل حاجة زي كده كنت هكلمه وأقوله أنت عارف أن ده مشروعي.
وأوضح علي الحجار، أنه لم يعلم تفاصيل مشروع الأساتذة إلا بعد إعلانه في مؤتمر صحفي، مشيرًا إلى أن خالد داغر رئيس دار الأوبرا المصرية كلمه وقال له تعالى نتفاهم، مضيفًا: خالد داغر قالي ده مشروعنا كلنا.. قلت له لأ يا خالد ده مشروعي وحلمي مش مشروعنا كلنا.
وتابع: حلمي كان الدولة تنفذ المشروع لأن مش هينفع قطاع خاص مش هيقدر ينفذه، كنت أتمنى مدحت صالح يتواصل معي قبل الإعلان عن مشروع الأساتذة، وما حدث ليس توارد أفكار بنفس أفكاري وكلامي، معبرًا عن أمنيته ألا يصل الموضوع للقضاء.
واعترف علي الحجار بفشله في إدارة موهبته اجتماعيا وقال فنيًا معرفتش أدير موهبتي بطريقة الذكاء الاجتماعي، وعرفت إن مدير الأعمال يا إما يكون مؤسسة أو حد عنده خبرة بمجالي ومؤمن به أكثر مني.
وتابع علي الحجار أنه اختار الطريق الصعب في المجال الفني، مؤكدًا أنه اختار طريقا مختلفا في الغناء رغم اختلاف السوق، مضيفًا: في عز الدنيا ما كانت ماشية في اتجاه كنت في اتجاه تاني.
وأضاف: عندي أغاني أفراح موجودة حتى الآن، وأنا مش ضد الغناء الإيقاعي ولكن باختار الكلام اللي مش ماشي دلوقتي وأنا مع الشعر، وغنيت في أفراح كتير وإلى الآن بيجي لي أفراح ولكن من الناس اللي بتفهم في الفن.
