حلت نادية الجندي ضيفة على برنامج “ضيفي” مع الإعلامي معتز الدمرداش، وكشفت عدة أسرار عن حياتها الفنية والعائلية، وردت على سؤال معتز الدمرداش عن موقفها من الاعتزال، خاصة بسبب قلة أعمالها في السنوات الأخيرة.
هل تعتزل نادية الجندي التمثيل قريباً؟
أكدت نادية الجندي إنها مستمرة وتبحث عن أعمال جديدة تناسبها، ورفضت فكرة الاعتزال، وقالت في تصريحاتها: “أنا بفكر في حاجة واحدة، طول ما الفنان عنده قدر كبير من العطاء، زي نجوم كبيرة كتير عندنا كل ما كبروا كل ما نضجوا أكتر، واكتسبوا نضج… مثل كمال الشناوي، أحلى أعماله لما كبر، في نضج بقى خلاص”.
وأكدت نادية الجندي موقفها قائلة: “طول ما الفنان عنده القدرة على العطاء ما يعتزلش.. للأسف دلوقتي الأعمال اللي بتنتج ما فيهاش الثقل والتقل والمصداقية والمواضيع اللي كانت بتتعمل الأول، طول ما أنا مش مقتنعة مش هعمل.. لكن إذا جاني موضوع أو حسيت فيه موضوع يستحق إن أنا أعمله وأقدمه للناس وابقى واثقة إن أنا بعمل عمل أولاً مهم، مؤثر، يضيف ليا، ما يقللش من مكانتي، فهشتغل، ما اشتغلش ليه؟”
وقالت نادية الجندي إن السينما في الفترة الحالية تركز على نوعيات معينة مثل الأكشن، ولكنها شوقت الجمهور لعودتها وأكدت أنها تجهز لعدة أعمال فنية جديدة ومن بينها أعمال سينمائية، وأضافت في تصريحاتها: :”أنا أعمالي وتاريخي بيشهد لي الحمد لله والشكر لله، مش محتاجة أثبت ومش محتاجة إن أنا أعمل حاجة مضطرة لها ليه؟ يعني أنا أعمالي لسه خالدة ولسه بتتعرض ولسه موجودة ولسه عندي جمهوري وكسبت جمهور جديد تاني… خلاص لما يجيني بقى العمل القيم المشرف أنزل بيه أقابل بيه جمهوري تاني”.
