أحمد حلمي تحدث مؤخراً عن مشروع فيلم “سهر الليالي 2″، والذي أعلن عنه مؤخراً، وحسم حقيقة مشاركته في الفيلم الثاني من الفيلم، بعد مشاركته في الجزء الأول من العمل في عام 2003 مع منى زكي وشريف منير وعدد من النجوم، وعلق بطرافة على عدم قدرته المشاركة في الجزء الثاني من الفيلم خلال تصريحاته مع برنامج “إي تي بالعربي”.
هل يشارك أحمد حلمي في فيلم “سهر الليالي 2″؟
أحمد حلمي قال: “ما اعتقدش بقى يعني، ممكن سهر الليالي ده زماننا نايمين دلوقتي، في سهر الليالي كبرنا خلاص كلنا ما بقناش نسهر.. لا طبعا هما بيعملوه بممثلين زملاء جداد ومتحمس طبعاً للفكرة”.
ورغم ذلك عبر أحمد حلمي عن حماسه الشديد للفكرة وقال: “متحمس جداً للفكرة.. عايز أشوف بعد السنين دي سهر الليالي هيطلع إيه، يعني ده كلام ممكن يخوف تامر حبيب المؤلف بس هو قدها وقدود”، ونفس الأمر بالنسبة للفنان شريف منير، والذي نفى للبرنامج مشاركته في الجزء الثاني من الفيلم وقال: “تامر حبيب أعلن فعلاً، بس ما اعتقدش أنا في الجزء الثاني، هما هيعملوه برؤية تانية يعني.”
وجاءت هذه التصريحات من أحمد حلمي، على هامش مشاركته وتكريمه في مهرجان ظفار الدولي للمسرح، وقال في تصريحاته للبرنامج عن هذا التكريم: “التكريم دايماً بيكون للفنان حاجة حلوة جداً، دايماً بتعرفه إن هو جايز ماشي كويس، جايز ماشي على خطى مظبوطة، بتوريله حب الناس، المسرح تجربة مختلفة يعني هو بيمشي في دمي، أنا خريج من فنون مسرحية، كنت بقالي فترة منقطع عن المسرح، وبعدين اه رجعت من ثلاث سنين تقريباً بثلاث أعمال مختلفة، وان شاء الله بإذن الله قريباً هيكون في مسرحية رابعة بإذن الله”، وكشف عن استعداده للعودة إلى المسرح بمسرحية جديدة في الفترة المقبلة.
وفي نفس الوقت، كشف أحمد حلمي عن اقتراب عودته إلى السينما في الفترة المقبلة، حيث أعلن انتهاء تصوير فيلميه الجديدين “حدوتة” و”أضعف خلقه”، ولكنه لا يعرف الموعد النهائي لطرح الفيلمين، وقال: “فيلم حدوتة ان شاء الله في دلوقتي بيتجهز بإذن الله، هو في المونتاج والمكساج والموسيقى وكده.. وفيلم أضعف خلقه برضه يعني تقريباً في مراحل النهائية بتاعته، المفروض إن الفيلمين يعتبروا جاهزين بس توقيتات عروضهم لسة معرفش إمتى الحقيقة.”