![هنا الزاهد تحتفل بعيد ميلاد تامر حسني في كواليس "ريستارت"](https://nogoum.net/wp-content/uploads/2023/10/Copy-of-Website-featured-image9-780x470.jpg)
هنا الزاهد، الفنانة المصرية، تحدثت خلال حوارها مع الإعلامي عمرو أديب في برنامج الحكاية، عن كواليس تصوير مسلسلها الأخير مع الفنان أحمد السعدني وظهور الشتائم بشكل واضح وكذلك مشاهد الضرب.
هنا الزاهد: زعلت من أحمد السعدني بسبب مشاهد السب والضرب
أكدت هنا أن المخرج طلب منهما التعامل أمام الكاميرا بصورة طبيعية، وكانت النتيجة ضربها بقوة، وظهور الشتائم بشكل واضح ما تسبب في عتابها للسعدني.
وقالت الزاهد: لما قريت سيناريو مسلسل سيب وأنا أسيب عجبني جدا وعجبني دور نبيلة أوي، وأنا حبيت كل الكاست وباين في المسلسل إن إحنا بنحب بعض وسافرنا مع بعض.
وتابعت هنا الزاهد: أحمد السعدني كنت فكراه في الأول رخم وكنت بشوفه في الجيم كان بيسلم عليا بطريقة غريبة كده وأرجع أقول هو دمه تقيل ولا إيه، وفي الآخر قالي أنا بحبك جدا كممثلة بس كنت مكسوف، طلع بيتكسف أوي.
وكشفت هنا الزاهد كواليس مشهد ضرب أحمد السعدني لها في مسلسل سيب وأنا أسيب، قائلةً: في مشهد من كتر ما إحنا واخدين على بعض كنا قاعدين أنا وهو في البلكونة وكنا بناكل لبان وهو ضربني بجد قولتله في المشهد أنت غبي؟ وكنت فاكراهم هيوقفوا تصوير بس لقيتهم كملوا وكملناه عادي، بس اتضايقت منه بعد المشهد لأني عاملة عملية فيها وهو وجعني بجد.
وتابعت قائلة: أحمد السعدني اعتذر لي، وقال لي أنا آسف عن القلم لإنه وجعني واتضايقت منه، فقلت له بالراحة.. قولي طيب ومتفاجئنيش جوة المشهد كدة”.
كما علقت هنا الزاهد على مشهد سبّ أحمد السعدني في مسلسل سيب وأنا أسيب، والذي عرّض العمل للعديد من الانتقادات، وقالت: مشهد الشتيمة ده كان المفروض المخرج ياخده من كادر واسع فـمكنش هيبان حركة الشفايف والناس مكنتش هتفهمها، وأنا استغربت جدا وقولت أكيد غلطة مونتاج وزعلت من السعدني وكلمته قولتله أنت بجد شتمت كده؟ قالي معرفش أنا قولت هياخدوه من كادر واسع.