ياسمينا العبد، عبرت عن شعورها بمزيج من السعادة والخوف من سرعة مرور الوقت بعد انتهاء مرحلة المراهقة، مشيرة إلى أن اقتراب عيد ميلادها يدفعها دائماً لمراجعة حساباتها، أهدافها، وطموحاتها.
هكذا تخطط ياسمينا العبد لمرحلتها الجديدة
ياسمينا العبد قالت: “أحلى مفاجأة في العالم دي، بس لسه بستوعب يعني مش قادرة اصدق اللي حصل ده.. انا حاسه بنفس الاحساس بالظبط، في نفس الوقت مبسوطة بس الوقت بيجري ويعني خايفة على الزحليقة اللي جاية دي”.
وتحدثت عن مشاعرها الخاصة في عيد ميلادها العشرين وقالت: “كل ما عيد ميلادك بيقرب كل ما بتأمل اكتر، كل ما خلاص بتحسي بكل الأحاسيس في وقت واحد، وبتقعدي كده تفصصي في حياتك واللي عايزه تعمليه وطموحاتك..”.
وتحدثت ياسمينا العبد عن خططها الجديدة في حياتها، وعلى رأسها رغبتها في التركيز على حياتها الشخصية وقالت: “حابة ان السنة دي اركز اكتر في حياتي الشخصية، يعني اشتغل على التوازن ده اكتر، حاسة ان دي حاجة مهمة، بس في طموحات في الشغل طبعا كتيرة، بحس انه كل ما بنكبر كل ما في ثقة اكتر، ومستعدة ان انا اشوف يمكن الناس هتقابل الأفكار بتاعتي ازاي، أو هنبقى بنتناقش ازاي او الدنيا هتطور ازاي فى السن ده.. هو برضه يعني مش 40 سنة، بس يعني يعني مادام حطينا اثنين انا حاسه ان الناس هتستوعب اكتر فكرة أنه لا في افكار واحنا بجد جيلنا قوي جدا”.
وكشفت ياسمينا العبد عن تفاصيل خطتها في التركيز على حياتها الشخصية، بعد التلميح حول وجود خطة في حياتها العاطفية، وقالت مازحة: “اللي يجي يجي، أنا مش مستعجلة على حاجة خالص..”، وأضافت عن خططتها وأمنياتها في المرحلة الجديدة من حياتها: “أنا قصدي ان أنا اركز على صحتي أكتر، ابقى بتمرن اكتر دي حاجة مهمة، في أدوار جاية هتحتاج ده.. بخلي صحتي أولوية اكتر من العادي، وان اقضي وقت مع صحابي، وأسافر.. حاسة انه الشغل اكيد يعني احنا بنسافر كتير للشغل بس مش بنلحق”، وكشفت عن رغبتها في خوض المزيد من المغامرات في حياتها في الفترة المقبلة.
