أحمد سعد يحكي رحلته الغنائية احتفالاً بألبومه الجديد

أحمد سعد روج لألبومه الجديد “حبيبنا” بطريقة مختلفة، وذلك بالتزامن مع اقتراب موعد طرح الألبوم، إذ نشر عبر حساباته بمواقع التواصل فيديو حكى به رحلته الغنائية، واسترجع أحلامه القديمة في عالم الغناء والموسيقى، وهو ما شوق الجمهور للألبوم الجديد له، خاصة بعدما كشف أحمد سعد في الفيديو عن ملامح الألبوم الجديد.

أحمد سعد يحكي رحلته الغنائية احتفالاً بألبومه الجديد

من المتوقع أن يقدم به أحمد سعد تجربة غنائية مختلفة، حيث ذكر أنه كان يقدم ما يحبه الجمهور في الفترة الأخيرة، ولكنه الآن قرر أن يقدم ما يحبه هو للجمهور، ووعدهم بتقديم تجربة مختلفة في الألبوم الجديد.

وكذلك شوق أحمد سعد الجمهور للألبوم الجديد بعدما ذكر أنه كان متأثراً بالأغاني الكلاسيكية والطربية منذ طفولته، مثل أم كلثوم ومحمد عبد الوهاب، وهو ما جعل البعض يعتقد أنه سيقدم تجربة موسيقية كلاسيكية في الألبوم الجديد.

بالإضافة إلى حديث أحمد سعد عن رحلته الطويلة قبل تحقيق النجاح، وقال إنه ظل لمدة 15 عام يجرب أنواع جديدة في الغناء حتى وصل إلى طريق النجاح، والذي كان صعباً للغاية.

وقال الفنان أحمد سعد في حديثه في الفيديو الأخير: “حاجة جميلة قوي ان يكون عندك حلم، والأجمل من كده انك تحققه.. طول عمر أحلامي مالهاش سقف بتطول السما، وانا صغير كنت بحب المزيكا قوي قوي قوي، كنت بشوف كل حاجة ألحان، حتى الكلام كنت بشوفه لحن، كانوا اخواتي يستغربوا جدا وانا صغير ازاي طفل بيسمع الحاجات التقيلة دي، كنت بسمع بقى مشايخ وام كلثوم وعبد الوهاب، كنت بسأل نفسي هتغني ايه فيهم؟ كنت بسمع كل أنواع الموسيقى عشان الاقي لنفسي شكل الناس تحبني بيه”.

وأضاف أحمد سعد في رسالته للجمهور: “واتصدمت أول صدمة، عرفت أن الطريق مش سهل.. انا محتاج الناس تحبني، وفضلت اسعى واسعى واعمل اشكال كتير في المزيكا، بحبها بس ما كانتش كل الناس بتحبها، قعدت 15 سنة بجرب واعمل اللي انا بحبه واللي الناس بتحبه، واشوف زمايلي بيعملوا ايه عشان اعرف ذوق الناس.. احترت بصراحة مكنتش عارف اعمل ايه، لحد ما وصلت ان اعمل اللي الناس بتحبه بالطريقة اللي بحبها، وحصل النجاح، ماجاش من يوم وليلة ناس بقت تحبني وناس بقت تحب اغانيا”.

واختتم أحمد سعد رسالته للجمهور قائلاً: “وبقيت ببقى طاير في السما وانا واقف على المسرح.. لا طاير بجد.. والناس بتغني ورايا وبتقول ايه اليوم الحلو ده ووسع وسع.. بس عرفت ان المسؤولية ابتدت، انا محتاج زي ما بعمل اللي الناس بتحبه، كمان اعمل اللي انا بحبه.. وانا مصدق ان اللي بتحبه من قلبك الناس اكيد هتحبه معاك.. وهي دي تجربتي المرة دي.. هاخد الناس واطير في السما باللي انا بحبه.. الايام الجاية هتعرفوا ايه هي التجربة”، ونشر أحمد سعد مؤخراً بوستر ألبومه الجديد “حبيبنا”، وقرر موعد طرحه في يوم 15 يناير 2025.