نشرت المطربة المعتزلة جيني، زوجة الشاعر الغنائي أمير طعيمة، تدوينة لها على حسابها بفيسبوك، كشفت من خلالها إصابتها بورم، خضوعها لعملية جراحية لإزالته.
المطربة المعتزلة جيني تخضع لعملية جراحية
كشفت جيني تفاصيل حالتها الصحية وقالت:” من حوالي سنة ويمكن أكتر وأنا تعبانة وبأجل مشوار الطببب وبقول بطلي دلع وباخد مسكنات والدنيا ماشية، من تقريبا كدة ٤ شهور وتدهور رهيب ومتماسكة وبقول أفضي بس كده وأشوف مفيش صحة تمامآ الجسم كله مأزي لدرجة إني مش فاهمة أنا إيه إللي بيجري لي”.
وتابعت زوجة أمير طعيمة في تدوينتها: “لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح.. كشفت والصدمة، إيه ده يا مدام! هو حضرتك إزاي عايشة كده! وتفاصيل كتير في الكشف وقالي محتاج جراحة بس محتاج الأشعة والتحاليل دي وحالأ، أدركت إني فعلا في حتة مش تمام، ومن فحوصات الاشعة الكلام اختلف، 4 أطباء من جامعة عين شمس والقاهرة وطب الأزهر عشان دقة الجراحة”.
جيني طعيمة تكشف تطورات حالتها الصحية
كشفت جيني طعيمة تفاصيل حالتها الصحية بعد خضوعها للجراحة وقالت: “وقت الجراحة أكتشفنا إنه ورم وحجمة كبير! بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث”.
وتابعت جيني طعيمة: “وبكل أمانة ما كانش بيتقال غير دي بنتنا وعايزين نحافظ عليها، الحمد لله النتيجة النهائية إني بخير وسعيدة، بشكر كل أيد من الأيدي الطيبة إللي ساعدتني وصبرت عليا، بعرف إن ربنا بيحبني من المواقف دي مش من أي حاجة تانية”.
وأضافت المطربة المعتزلة: ” وأكتر كلمتين بيطمنوني من الناس البسيطة إللي بتقولي أوعي تخافي ربنا هيجبر بخاطرك عشان أنتي مفيش حد بتزعليه أبدآ.. أخيرا هشكر مين يعني غيره بعد ربنا أمير طعيمة”.
من هى المطربة المعتزلة جيني
هي مطربة معتزلة، وقدمت عدة أغاني وألبوم في عام 2006، وتزوجت بعدها من الشاعر أمير طعيمة في عام 2008، واعتزلت الغناء بعد زواجها.
