تامر حسني يخرج عن صمته ويرد على التشكيك المستمر في حجم إيرادات أعماله

تامر حسني، النجم المصري، قرر الخروج  عن صمته أخيراً بعد الانتقادات المستمرة لأفلامه في الفترة الأخيرة، خاصة بسبب طريقة الدعاية التي يتبعها تامر حسني في السنوات الأخيرة، وإعلان أفلامه أنها تحقق أعلى إيرادات دائماً، بالإضافة إلى مشاركته في التأليف والإخراج والموسيقى التصويرية والإنتاج وغيرها من الأدوار المتعددة في الأفلام، بجانب القيام ببطولة هذه الأفلام والغناء بها

تامر حسني يرد على التشكيك المستمر في حجم إيرادات أعماله

نشر تامر حسني فيديو للإعلامية ياسمين عز أثناء دفاعها عن تامر حسني، وعلق على الفيديو برسالة مطولة قال بها: ” فيلم تاج تم بيعه بنجم شباك 1 مش تجميعة نجوم، ودي حاجة تحسب للفيلم وبعملها كل سنة الحمد لله، وکونه نوع جديد للسينما العربية يحسب للفيلم برضه، الفيلم الحمد لله تم توزيعه النهاردة عالميًا أكيد دي حاجات بتزعل بعض ضعاف النفوس، ولكن واقعها على الناس العقلاء جميلة اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين”.

ودافع تامر حسني عن أعماله الأخيرة وقال في رسالته: “زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرفًا أني صاحب أعلى إيرادات في تاريخ السينما العربية دولياً إنتاج مصري وهو فيلم “بحبك” من إخراج تامر حسني، تفتكري دي واقعها على الودن عادي ؟ هي حاجة مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم إن مفيش مستحيل ولا يمكن نبقى حافظين مش فاهمين.. أحب أطمنك يا ياسمين إنه لا يصح إلا الصحيح، وخلي بالك الجمهور ذكي جدًا، ويمكن بسبب الحملات الساذجة دي الجمهور زاد طلبه على الفيلم لأن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة”.

وسخر تامر حسني أيضاً من هذه الانتقادات وحملات التشكيك وقال إنه مستمر في المشاركة بعدة أدوار في أفلامه بحانب التمثيل وأضاف: “لو جبت أهم شركات في العالم عشان يقدموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردودة أقوى من الدعاية اللي بندفع فيها فلوس، بالمرة نشيل من على شركة الإنتاج باند الدعاية عشان مكلف أوي بصراحة، ونسيبه على المتغاظين هما يدفعوه ربنا ما يقطعلهم عادة.. أحب افرحك أكتر يا ياسمين فيلمي اللي جاي تصويري كمان، شكرًا لدفاعك عن الحق يا احلى ياسمين”.