أزمة حسن شاكوش الأخيرة مع زوجته ريم ما زالت قيد التحقيقات أمام النيابة العامة المصرية، بعدما تطورت الأمور لحد توجيه الاتهام بالتزوير في وثيقة الزواج، مما دفع حسن شاكوش لتوجية رسالة إلى منتقدي أزمته يطالبهم فيها بعدم الحديث مجدداً عن أزمته العائلية مع زوجته، وبرر تصاعد الأزمة بتعرضهما للحسد بعد الضجة التي أثارها حفل زفافهما.
حسن شاكوش عن أزمته مع ريم طارق
قال حسن شاكوش، خلال لقاء مع قناة “رؤيا”: أي حاجة شخصية مش هينفع أتكلم فيها؛ لأن في الأول والآخر لو اتكلمت هتكلم على عرضي ودي حاجة شخصية بيني وبين بيتي، واللي حصل معانا حسد؛ لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء.
ووجّه حسن شاكوش رسالة إلى منتقدي أزمته مع زوجته قائلاً: دي مسائل شخصية ويا ريت اللي ما يعرفش حاجة ما يتكلمش، لأن أنا اللي عايش وأنا اللي شايف كل حاجة ومحدش عارف حاجة ويا ريت اللي بيتكلم يقول كلمة الحق في الأول والآخر اللي هتعمله هيقعد ليك ولعيالك وطالما ماشفتش حاجة ماتتكلمش، لأن لو ظملت هتتظلم في أعزّ ما ليك، فاتقي الله في عيالك وفي نفسك وفي بيتك وما تتكلمش على حد ما دخلتش بيته.
وتحدث حسن شاكوش عن السخرية من حديثه مع ريم طارق من خلال محادثة نشرتها ريم بينهما، مشيراً إلى أنه قدم غناء ساخراً من جملة عبستك إزاي وأنت مش بستاني، مضيفاً: كنت بهزر وسعدت أن نادي أستون فيلا نزل الكلمة دي على الصفحة عنده وطلعت أهزر مع الناس.
