رد المطرب حمو بيكا علي منشور المطرب محمد شاهين الخاص برفع دعوي قضائية ضده بسبب نشره أغنية قلبي شايل وجع قائلا “الأغنية اترفعت و أنا نايم”.
حيث ذكر المطرب حمو بيكا أنه لم يكن يعلم بنزول الأغنية علي موقع اليوتيوب.
نص منشور حمو بيكا علي فيسبوك
و نشر علي صفحتة الرسمية علي موقع التواصل الإجتماعي فيسبوك. قائلا”بخصوص أغنية قلبي شايل وجع بتاعتي أنا ومحمد شاهين، أنا مطلبتش إن الأغنية دي تترفع.
الأغنية دي اترفعت وأنا نايم لأني قبل ما أنام كنت عامل لايف إني مأجل شغلي بالكامل تضامنا مع إخواتنا في بلدنا الثانية فلسطين، وأن الأغنية تم فتحها والشير بدون علم مني.
وأن الشركة المسؤولة عن السوشيال ميديا هي اللي فتحتها.. ملحوظة الأغنية دي أصلا مش من ضمن شغلى، وتحياتي لكل إخواتي واهلي وجمهوري الكبير اللي بيحبني وبيسمعني في جميع محافظات مصر والوطن العربي انتم على راسي”.
وذلك ردا علي منشور المطرب محمد شاهين علي صفحتة الرسمية علي موقع التواصل الإجتماعي فيسبوك عندما اشار لنزول أغنية قلبي شايل وجع التي شارك بها المطرب حمو بيكا دون الرجوع إليه و إغفال جميع حقوقه الأدبية.
نص منشور محمد شاهين علي فيسبوك
فنشر محمد شاهين قائلا “أنا مش بتاع لايف واتكلم بشكل رخيص على موضوع مهرجان مع حمو بيكا بس اللى عمله اسمه غدر وقلة قيمة.
من فترة كلمنى حمو بيكا فى التليفون روحت وسجلنا تراك وبعديها بفترة لقيت بوستر نازل عند واحد من الناس اللى بتصمم البوسترات دى من غير ما اعرف، كلمت حمو بيكا قولتله إزاى قالى أنا هنزل فى العيد 6 أغاني.
وأضاف: “بكلمه فى حقوق الأغنية أقل حاجة فى حقى يرد يقولى (أنا هاخد الحقوق كلها) على أساس إن النجم المحترم هيعرفنى بالناس على أساس أن النجم المحترم أنا شغال عنده.
رديت قولتله الكلام ده مش هينفع وقفلت معاه بعديها بعت لى مصمم البوستر، وقالى إن الأغنية مش هتنزل اتفاجئ النهاردة بنزولها بدون علمى على أساس إيه، أنا هعرف أجيب حقى كويس بالقانون”
اقرأ أيضا
أفلام عبلة كامل بعفويتها وتلقائيتها تملكت قبل الجمهور- تقرير.
