حمو بيكا، مؤدي المهرجانات المصري، أطلق عدة تصريحات مثيرة للجدل خلال لقائه في برنامج العرافة، الذي تقدمه الإعلامية بسمة وهبة، والتي كان أبرزها منح نفسه لقب “عمرو دياب الغلابة”.
حمو بيكا يمنح نفسه لقب “عمرو دياب الغلابة”
قال حمو بيكا خلال لقائه : أنا عمرو دياب الغلابة وعندي الدليل”، وأضاف: كل إللي هاني شاكر عمله معايا إنه قعدنا في البيت وهو كل شوية عمال يتكلم إنه جابلي سنتين حبس، وأنا راضي بالقانون بس كل إللي هو عمله معايا ظلم لما يخلي كل بتوع المهرجان يغنوا وأنا لا.
وتابع حمو بيكا: ربنا جابلي حقي وجابلنا نقيب ربنا يخليه لينا، والمجلس القديم جايبنلي مدرس يقولي لا ليه لا، وهاني شاكر على دماغنا وكل إللي هو عمله إحنا عملناه برضو.
وأضاف حمو بيكا: النقيب مصطفى كامل نقيب الموسيقيين على دماغنا من فوق وهو إللي جابلنا حقنا.. والمهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات.
واختتم حمو بيكا: وافقنا على رغبة مصطفى كامل وأصبحنا نطلق على المهرجانات اسم أغاني ولا نشعر بالحزن مطلقاً، الأغاني الخاصة بنا لا نطلق عليها أغاني شعبية.
وتحدث حمو بيكا خلال اللقاء كذلك عن بدايته في تقديم المهرجانات الشعبية مع المطربين عمر كمال وحسن شاكوش، وقال: أنا ساعدتهم ووقفت جنبهم وكلهم باعوني عشان أنا أهبل وحظي وحش وأستاهل، وكانوا بياخدوا 400 جنيه دلوقتي بياخدوا 40 و50 ألف بسببي.
وأضاف حمو بيكا: أنا مابعرفش أقرأ ولا أكتب بس أنا أسرع من عمر كمال وحسن شاكوش في إني أغني، ولما بييجوا يقفوا على المايك ويغنوا معايا بيبقى الأداء بتاعي أحسن وأسرع.
