حنان يوسف، الفنانة المصرية، ونجمة مسلسل “سفاح الجيزة”، تحدثت خلال لقائها في برنامج “القاهرة اليوم”، مع الفنان إدوارد والإعلامية نانسي مجدي، عن صعوبة دورها في مسلسل “سفاح الجيزة” ومدى تأثيرة عليها.
حنان يوسف عن دورها في “سفاح الجيزة”
قالت حنان يوسف: “الشخصيات زي دي لازم تتقمص، ممكن أعمل شخصيات غير دي من غير ما أتقمص، لكن دي من الشخصيات اللي لازم أبقى أنا هي، علشان أعرف هتضحك إزاي، هتمشي إزاي، تفاصيل كتير لازم أبلعها، وأطلعها، ودي صعوبتها لأنها أثرت على دماغي جامد”.
وعن قلة ظهورها الفني، قالت حنان: “مش إحنا اللي بنقصر في ظهورنا الفني أنا لسه مش في مرحلة إني اختار نص فني، وأنا اشتغلت مع كل الناس الكويسين اللي فاهمين”.
وتستند قصة مسلسل “سفاح الجيزة” إلى وقائع حقيقية مروعة حدثت منذ سنوات قليلة، وبطلها خريج كلية حقوق لم يعمل بالمحاماة، وفضل العمل الحر، وكان يمتلك سلسلة من المكتبات، ومصنع لعب أطفال، وتم القبض عليه بعد سنوات من إقترافه عدد من الجرائم بذكاء شديد، وحُكم عليه بالإعدام بالفعل قبل سنوات، ولا زالت إجراءات النقض على الحكم منظورة أمام القضاء المصري.
