شام الذهبي، ابنة الفنانة أصالة، شاركت الجمهور أحدث لحظاتها الرومانسية مع زوجها أحمد هلال، وتذكرت بدايات علاقتهما ولحظة تقدمه للزواج منها.
شام الذهبي تسترجع ذكرياتها الرومانسية مع زوجها
كشفت شام عن ارتباطها بنهر النيل في مصر خلال رسالتها، التي أرفقت معها عدة صور رومانسية لها مع زوجها على ضفاف النيل، وقالت: “يوم ما أحمد هلال زوجي تقدّملي، اختار ياخدني على فلوكة بالنيل، لأنه كان بيعرف قديش هالمكان بيعنيلي.. أنا تربيت على هالنيل الجميل، حتى قبل ما أجي أعيش بمصر.. من وأنا صغيرة..”.
وأضافت شام الذهبي في رسالتها: “كنت أجي مع صولا بالصيف وهي تحضّر ألبوماتها المصرية، وأقضي معها الصيف هون.. وهون، بشيراتون الجزيرة اللي صار اليوم سوفيتل، تعلّمت السباحة وأنا طفلة.. يمكن كرمال هيك، كل مرة بكون فيها قدام النيل برجع لكل ذكريات طفولتي، وبحس بشعور ما بتقدر الكلمات توصفه، فيه شي ساحر، شي خارق.. وبمناسبة ٦ أكتوبر، حبيت أرجع معكم لهاليوم، ولصور ما شاركتها معكم من قبل.. الله يحفظ مصر وأرضها وميتها وترابها، وما يحرمنا من جمالها.. أم حاضنة للكل، بحبها من كل قلبي”.
