محمد الشرنوبي، فاجأ جمهوره ومتابعيه من خلال مقطع فيديو شاركه عبر حسابه الشخصي على “إنستغرام”، وجه من خلاله رسالة إلى النجمة شيرين عبد الوهاب، وصدم من خلاله كل جمهوره بمعاناته من الأزمة نفسها.
محمد الشرنوبي وشيرين عبد الوهاب يواجهان نفس الأزمة
قال الشرنوبي في رسالته: “بخصوص موضوع شيرين أنا مش فارق لي أي حاجة غير إني سمعت صوتك، وإن إحنا كجمهورك مستمتعين بصوتك، ويارب المشكلة اللي بينك وبين روتانا تخلص في أسرع وقت؛ عشان نعرف نسمع صوتك بشكل طبيعي، وتاخد حقها اللي المفروض تاخده”.
وأكمل الشرنوبي: “الحقيقة إن أنا أكتر حد في الفترة دي ممكن يبقى حاسس بشيرين، لأن بقالي 5 سنين في قضايا ومشاكل مع سارة الطباخ في الشركة اللي كنت ماضي معها، ومن سنتين وكام شهر بالظبط يوم 24 مايو 2022، طلع حكم بانتهاء عقدي، وطلعت الشركة تقول لأ، وأنا طلعت أقول آه”.
وتابع: “لحد ما طلع 3 أحكام تأكد إن العقد انتهى خلاص وإننا معنديش أي التزامات بأي شركة إنتاج، وأكتر حاجة بتثبت إني بمثل بشكل طبيعي وماضي مع شركة من أهم شركات الإنتاج في الوطن العربي، وهي شركة مزيكا للمنتج محسن جابر ومحمد جابر، ودي شركة كبيرة وعندها شؤون قانونية وعندها ناس بتراجع ورق اللي بيشتغل معاهم، خصوصاً لو حد من الناس دي عنده مشكلة قانونية معروفة للرأي العام، فالناس دي اتأكدت إن كل حاجة انتهت، وإني معنديش أي التزامات لأي شركة تانية، وبناءً عليه مضينا مع بعض وابتدينا نشتغل، ونزلنا كذا أغنية”.
