حلت النجمة منى زكي ضيفة على برنامج “الصورة” مع الإعلامية لميس الحديدي، وتحدثت في اللقاء بصراحة عن العديد من التغيرات التي طرأت بها في السنوات الأخيرة.
منى زكي تكشف سر مرضها المناعي
قالت منى زكي في تصريحاتها: “مهم قوي انك تستوعبي، انت في أي مرحلة زمنية في عمرك، عشان ما تبقيش بتقدمي حاجة ماتخصش عمرك، وما تبقيش عارفة تحسيها.. انا لما دلوقتي يجيبوا لي دور في اوائل الأربعينات، اقول لهم جماعة انا مش اول الاربعينات، اقول لهم بس الاحاسيس دي ما ببقاش قوي يعني خلاص.. الواحد بيتغير وبتبقى حاجات تانية هي المؤلمة، وبتبقي أقوى في حاجات وأكثر حساسية في حاجات تانية..”.
وأضافت منى زكي في حديثها: “انا جالي الاحساس ده من كذا سنة، لان انا في مرحله ثانية في حياتي، انا لازم ابتدي احس انا حاسة ايه دلوقتي كست أم، عشان اعرف بقية الناس اللي قدي اتكلم اقول ايه، اعبر عن ايه”، وكشفت منى زكي لأول مرة عن حياتها العائلية وحالتها الصحية وطريقتها في التوازن بين حياتها الفنية والعائلية.
وكشفت لأول مرة عن سبب الفارق الزمني الكبير، 12 عاماً، بين ابنتها الكبرى “لي لي”، وابنها “سليم”، موضحة أنها كانت تعاني من مرض مناعي لم تكن تعرفه في البداية، وهو ما أدى إلى فقدانها 7 أطفال في الشهر الثالث من الحمل في تجارب حمل متكررة، بعضها عبر التلقيح الصناعي والبعض الآخر بشكل طبيعي، وأكدت أن هذه التجربة كانت مؤلمة للغاية لأي أم، إلى أن تم تشخيص المرض المناعي وبدأت علاجه، وحملت بعد العلاج مباشرة.
وأضافت منى زكي في حديثها: “كنت بزعل جدا لأن بنتي كان نفسها قوي في اخت أو كده، وبزعل لأن في تجارب منهم كانت تلقيح صناعي، فدي اصلا بتبقى تجارب مؤلمة على اي ست على فكرة.. ففي تجارب منها كانت كده وتجارب كان طبيعي، بحمل بس البيبي دايما بيقع، فلما عرفت ان انا عندي مرض مناعي وابتديت اعالجه، ده الوقت اللي سبحان الله يعني حملت ثاني وكمل معايا.. فحسيت لا دي نعمة مش هقدر ان انا افقدها يعني، انا كنت في حاجة لازم افتكر ان انا في يوم من الايام كنت بتمنى ده قوي، فاحتفظت طبعا بأولادي”.
