شهدت الفترة الأخيرة حضور لافت للفنانة دينا الشربيني على مواقع التواصل في احتفالاتها بأصداء مسلسل “اتنين غيرنا” في رمضان، وظهرت برفقة صديقاتها في العديد من المناسبات مؤخراً.
موسم رمضان 2026 يكتب بداية جديدة في حياة دينا الشربيني
دينا الشربيني نشرت رسالة بعد عرض مسلسل “اتنين غيرنا” عبر حسابها بانستقرام وقالت: “في لحظات كدة مابتتحكيش بالكلام، بس بتبان في الضحكة اللي طالعة من القلب وفي الروح اللي جمعتنا.. مسلسل اتنين غيرنا بالنسبة لي مكنش مجرد مسلسل، دي حالة كاملة من الحب”.
وأضافت دينا الشربيني في رسالتها: “أنا عايزة أشكر من كل قلبي كل القائمين على العمل ده.. شكراً لـ الشركة المتحدة للخدمات الإعلامية “البيت الكبير” على كل الدعم والاحتواء.. وشكر كبير لسعدى ولشركة الإنتاج ميديا هب- سعدي وجوهر، اللي وفرتوا كل الإمكانيات وبذلتوا مجهود جبار عشان العمل يطلع بالشكل ده، شكر من قلبي للمخرج المبدع خالد الحلفاوي، اللي بجد تعب معانا جداً وطلع أحلى ما فينا برؤيته الفنية.. وشكراً للمؤلفة المتألقة رنا أبو الريش على الورق اللي اتكتب بصدق وحب ولمس قلوب الناس”.
وتابعت النجمة دينا الشربيني في رسالتها حول المسلسل: “وشكر خاص جداً لمدير التصوير هيثم حسني.. شكراً يا هيثم على عينك اللي شافت الحكاية بكل جمال..كل كادر عبارة عن لوحة فنية.. بجد تسلم أيدك، شكرا يا باشمهندس باسم على مجهودك وحبك لشغلك مع انى عارفه انى مغلباك معايا، شكر لچيهان صبحى حبيبتى وصحبتى وأختى على شغلك الجميل كالعادة.. شكرا لـ “الجيش” اللي ورا الكاميرا.. إخواتي من الإخراج، التصوير، الإضاءة، الديكور، الصوت، الموسيقى، المونتاج، الملابس، الماكياج، الخدمات، البوفيه، وكل فني وعامل سهر وتعب وبذل مجهود خرافي عشان كل حاجة تطلع مظبوطة، وطبعاً المسلسل مكنش هيكمل من غير الاغاني اللي لمست روحنا.. شكراً من كل قلبي لأنغام، اللي سحرتنا بتتر البداية وخدتنا لعالم تاني خالص بصوتها وإحساسها”.
واختتمت دينا الشربيني رسالتها قائلة: “وشكراً لمحمود العسيلي على الأغنية اللي حتكسر كل الأفراح ان شاء الله بجد طاقة وجمال ملوش وصف، صديقي وأخويا آسر ياسين.. بجد كنت مبسوطة قوي إننا اشتغلنا مع بعض لأول مرة والأكيد مش حتكون آخر مره إن شاء الله.. اتبسط بكل مشهد صورناه مع بعض يا آسر.. بجد شكراً يا حسن.. زمايلي وإخواتي الفنانين.. ممتنة جداً لكل لحظة قضيتها معاكم، ضحكنا وتعبنا واتبسطنا كنتم عيلتي بجد، أغلى جمهور في الدنيا.. شكرا بجد على طاقة الحب اللي شفتها منكم وتفاعلكم مع “نور”.. ممتنة لكل رسالة وصلتني وكل كلمة حلوة عن المسلسل. إنتوا اللي بتخلوا للنجاح طعم تاني خالص وبتنسونا أي تعب”.
وكذلك يمثل مسلسل “اتنين غيرنا” محطة فارقة في مسيرة دينا الشربيني الفنية وفي حياتها، خاصة أنه جاء بعد فترة تلقت بها هجوم وانتقادات واسعة، وشهدت حالة من الحضور السلبي للفنانة دينا الشربيني على مواقع التواصل بسبب ربطها بقصة طلاق الفنان كريم محمود عبد العزيز وزوجته مؤخراً، بالإضافة إلى شائعات ارتباطها به، وهو ما عرضها لهجوم قاسي وكذلك حملات سخرية، ولكنها نجحت في تحويل هذه الحملات إلى حالة تعاطف واسعة من الجمهور بسبب دورها المؤثر في مسلسل “اتنين غيرنا”، وقبلها في مسلسل “لا ترد ولا تستبدل”، وهو ما جعلها تلقى الإشادات من الجمهور.
