نرمين الفقي كشفت عن أسباب قلة أعمالها وظهورها الفني في السنوات الأخيرة، وذلك خلال لقائها مع الفنانة إسعاد يونس في برنامج “صاحبة السعادة”.
نرمين الفقي وحديث مؤثر عن قلة أعمالها
نرمين الفقي ذكرت أنها غابت لمدة عامين مؤخراً عن العمل قبل العودة بمسلسل “أولاد الراعي” في موسم رمضان الماضي، وقالت نرمين الفقي في تصريحاتها: “أنا قاعدة في البيت، الحقيقة يمكن أنا وصلت لمكانة معينة مش عايزة اتنازل عنها، ممكن نعمل بطولات جماعية، ممكن نعمل بطولة مش جماعية بس، يعني ممكن أبقى بطله ويبقى مع ناس كتير جداً بيبقوا هما اللي طالعين بالبطولة دي، ممكن يبقى بطولة مع بطل، كل الحاجات دي مباحة جداً”.
وأضافت نرمين الفقي في تصريحاتها عن قلة أعمالها: “بس للاسف أنا ساعات بلاقي أدوار غريبة جداً، يعني مثلاً مرة جاني دور إن أنا أم لحد كبير، فالمنتج اعتقد قال لي: هو أنتِ يعني يا نرمين مش عايزة تطلعي أم؟”، وكشفت أنها لا ترفض القيام بدور الأم، بدليل أنها قدمته بالفعل في أعمالها الأخيرة، ولكنها ترفض الأدوار غير المنطقية، مشيرة إلى أنها مستعدة لتجسيد دور “جدة” في حال وجود دور وأحداث منطقية في العمل.
وكشفت نرمين الفقي عن معاناتها بسبب قلة أدوارها في السنوات الأخيرة، وقالت: “قاعدة في بيتي، ممكن أقعد بالسنتين وبنقي دور كويس وبفضل ماسكة نفسي”، وذكرت أنها تتعرض لنصائح باستمرار تدعوها لقبول جميع الأدوار التي تعرض عليها من أجل التواجد في المنافسة، ولكنها ترفض ذلك المبدأ، وقالت: “عايزة أعيش مستورة وراضية زي ما أنا راضية، وأحقق اللي أنا نفسي أكمله في شغلي، إن أنا أفضل متواجدة بالشكل اللائق واعمل الأعمال اللي أنا نفسي أشتغلها، وأفضل مكملة نفسي، في يوم من الأيام إن أنا مابقاش محتاجة لحد، أو أبقى أقول أنا عايزة اتكل على حد فاضطر غصبا عني إن أحط نفسي في حاجة أو أخد قرار”.