هالة صدقي، النجمة المصرية، نشرت مقطع فيديو يظهر إطار السيارة الذي تحطم بدون سبب مقنع، وقالت إن الكوارث المتتالية بدأت فور عرض الإعلان التشويقي لمسلسلها الجديد “جعفر العمدة”.
هالة صدقي تتعرض لسلسة من الحوادث المأساوية
قالت هالة صدقي خلال منشورها : “حبايب قلبي بعض المواقع اتريقت لما عملت بوست وقلت اننا بنتعب واننا ممكن حياتنا تروح بسبب صعوبة شغلنا ومواعيدها، وطبعا السواد الأكبر ان ربنا لم يعطيهم نعمة الرضا بل ابتلاهم بأنهم يبصوا لرزق غيرهم وأنهم يضيعوا وقتهم ومجهودهم في الحقد على الغير”.
وتابعت قائلة:” وطبعا زي ما شفتوا كاوتش عربيتي من غير مناسبة واحتراق كل مواتير الكهرباء في بيتي، وظهور غراب علي شرفتي كل يوم، غير حاجات كتير، وكل ده بعد نزول البرومو بتاع مسلسلي جعفر العمده، بشكرهم لحسدهم لأني كده اطمنت ان شاء الله المسلسل يعجبكم ودعوة صافية، كل اللي بيحسد ربنا يكرمه بكل مصائبنا”.
هالة صدقي تسعي دائماً اتغيير تصور الجمهور عن حياة نجوم الفن، وتخيل أنهم جميعا ينعمون بالثروة والشهرة وقالت في تصريحات أخيرة لها: أحضر لمشروع بعيد عن الفن بعمل كافيه لأن الحكاية اختلفت، في صفحة اتقلبت جامد والحقيقة لما بيجيلي حد من أصحابي بيبقى عايز يدخل معهد التمثيل، بنصحهم إنه لا، لأن في صفحة اتقلبت لو ولادي هقولهم لا، لأن أنا مليش مستقبل ولا ضمان ولا تأمين ولا معاش”.
وأضافت خلال مؤتمر صحفي بمناسبة تكريمها مؤخراً في مهرجان الأقصر للسينما الأفريقية، في دورته ال١٢: “لو أي فنان حصله أي حاجة في أي وقت خلاص اتركن وقعد، لو أي فنان عمل أي غلطة في حياته الناس بتقفل منه، الفنان عامل زي لعيب الكورة اللى لو اتخبط خبطة، حياته خلاص اتدمرت”.
