من بين التساؤلات التي انتشرت حول علاقة مي كمال الدين بطليقها أحمد مكي، كانت هل أنها تريد العودة إليه مجددًا بعد فترة من الانفصال، لهذا قررت إثارة الجدل مؤخرًا بتصريحاتها.
هل تريد طليقة أحمد مكي الرجوع إليه؟
مي كمال الدين اكدت في كل تدوينة لها على أنها تريد الخير دائمًا لأحمد مكي وأنه سيظل في مكانة مميزة له وأنها تكن له المحبة والاحترام، مكذبة أيضًا كل الأنباء التي تفيد بأنه كان سببًا في توتر علاقتهما وانفصالهما، والتأكيد على أن هناك طرف ثالث هو من تسبب في إنهاء علاقتهما.
وسبق وقد قالت مي كمال الدين في تدوينة سابقة: “راضية بقضاء الله وقدره، ومش هقدر أعاند إرادة الله، لكن عمري ما هسامح من كان سبب في خسارتنا لعبض، ولا أملك غير حسبي الله ونعم الوكيل، يارب يصرفهم عنه وينور بصيرته.. أنا أكتر حاجة كنت بحاول أقدمها له إني أدعي له وربنا ألهمني.. أول مرة لمست الكعبة بحياتي دعيت له.. لأنه كان سبب رئيسي لتحول حياتي إلى الأفضل، وأول عمرة ليا كان بفضل الله ودعمه القوي ليا” وتمنت مي كمال لمكي أن يرزقه الله الصحبة الصالحة والعوض الجميل والزوجة الصالحة، مؤكدة أنها لم تحب أحد في حياتها مثل مكي واستطردت: “شكرا إنك كنت بحياتي وإن الله جمعنا ببعض يوم من الأيام”.
كما كشفت طليقة أحمد مكي في سلسلة من المنشورات التي شاركتها مع الجمهور عبر خاصية القصص القصيرة على انستجرام، ما جرى بينهما كما حرصت على الرد على الاتهامات التي طالتها بأنها أفشت أسرار عائلية رغم حفاظ مكي على خصوصية حياته دائمًا، وقالت مي: “أولًا خصوصية إيه اللي أنا محترمتهاش؟ هل أنا نشرت شيئا خاصا بیني وبین أحمد؟ هل أنا خرجت وشتمت أحمد؟ هل قلت فيه كلمة تعيب فيه زي ما البعض وأغلب الناس والمشاهير تحديدًا بيعملوا كده في وقت الخلاف؟.. الأذية سهلة والفضايح سهلة بس مش من طبعي ولا تربيتي، أنا اتقيت ربنا في نفسي وفيه.. إيه كمية التهم اللي نازلة ترف عليا وأنا اقتحمت خصوصيته وخلفت العهد؟ مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين، وحصل خلاف كبير جدا خلا حتى اللي بينا يروح في حتة مكنتش أنا متخيلاها”.
واستطردت مي: “وقتها رضيت وسكت واحترمت أزمة وفاة والدته جدا لأن أنا بحبها وبحترمها جدا الله يرحمها.. طلبت منه برد جزء من اللي بيحصل لي من ناس من طرفه، مكنش فيه أي رد فعل منه. اكتشفت بعد شهور، تحديدًا يوم عيد ميلاده، فيديو ملهوش أي لازمة إن أحمد له علاقة بحد معين، وبعدها فيديو ينزل ليا بصوري وأنا عروسة أحمد مكي، حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه، وبرضه المشاكل وقلة أدب من اللي حواليه مرحمتنيش.. مسجات خاصة بينا وأمور خاصة بينا اتعرفت عند اللي حواليه معرفش منين، أنا اتصدمت جدًا”. وأوضحت مي: “إزاي ودي بيني وبينه هو فقط؟ بعت له إني ساكتة احترامًا لوالدته وأخوه الكبير فقط مش أكتر، ولحد دلوقتي بعمل كده علشان والدته وأخوه فقط. فسبب كلامي إني مبحبش أبان ضعيفة أو مكسورة أو أصعب على حد، ولا بحب الصعبانيات، فعلا بحترمه وبقدر الخير اللي بينا، مينفعش أنا أو هو مهما كان بينا يتقال كلام أكاذيب زي اللي سمعتها من اللي حواليه.. عارفة أنه اتضايق بسبب موضوع السوشيال ميديا، بس ليه الهوجة مطلعتش وقت ما اتقال عروسة أحمد مكي؟ أنا برد جزء كبير من نفسيتي اللي تشوهت، وحتى الآن أنا شايلة اسم أبويا الله يرحمه”.
واختتمت طليقة أحمد مكي رسالتها وقالت: “مش فارق لي حد. هل طلبت حق من أحمد أو يرد لي ربع اللي عملته معاه؟ أحمد نفسه عارف إنه مشفش مني غير كل خير، وأنا كذلك هفتكر له الخير في الأصول احترامًا لوالدته الله يرحمها وتقديرًا لها”، لتواصل مي كمال الدين إثارة ضجة بتصريحاتها حول فترة زواجها من أحمد مكي بالرغم من حفاظ الأخير لسنوات طويلة على حياته الخاصة.
