هل لجأ عمرو دياب إلى استخدام الذكاء الاصطناعي في البومه الجديد ؟

لميس الحديدي، كشفت في برنامجها “الصورة” عن كواليس ما دار بينها وبين عمرو دياب حول ألبومه الأخير “حبيتك”، وكشفت مشاعر عمرو دياب الخاصة في هذا الألبوم، حيث أخبرها أنه كان يرغب في الغناء والاستمتاع به، وهو ما جعله يرفض استخدام الذكاء الاصطناعي والتكنولوجيا الحديثة.

هل لجأ عمرو دياب إلى استخدام الذكاء الاصطناعي في البومه الجديد ؟

لميس الحديدي قالت في حديثها: “الجديد في الألبوم ده الـ 12 أغنية اللي أنا الحقيقة شفت عمرو واتكلمنا مع بعض شوية حول هذا الألبوم، قال لي: “أنا غنيت، أنا كنت عايز أغني، ممكن قوي استخدم الـ AI، ممكن قوي استخدم التكنولوجي، ممكن قوي استخدم أدوات كتيرة وبستخدمها، لكن أنا حسيت إن أنا عايز أغني”.

وأضافت لميس الحديدي في حديثها: “هتلاقوا في أغاني فعلاً عمرو دياب يعود للتون الشرقي بتاعه شويه، للمزيكا الشرقي بتاعته شويه اللي بتبين موهبة عمرو دياب، لأن الـ AI موجود وبنسمع ناس، نسمع ساعات أغاني نقول هي الغنوة دي إيه؟ يقولوا لي ده AI كده متركب.. لكن إيه اللي بيفرق الـ AI عن الفنان الحقيقي؟ موهبته، وهي دي فكرة عمرو دياب، الموهبة والموهبة المتجددة والمزيكة المتجددة طول الوقت”.

وكشف الشاعر أمير طعيمة عن كواليس تعاونه مع الفنان عمرو دياب في أغنية “حبيتك”، وهي الأغنية الرئيسية في الألبوم، وقال في تصريحاته مع لميس الحديدي إن عمرو دياب يختار أغاني عديدة طوال العام، لأنه يحب الأغاني، واختار له ما يقارب 5 أغاني قبل أن يطرح منها أغنية “حبيتك”، وأضاف في تصريحاته: “بالوقت هو بيبقى عنده مرحلة كده اللي خلاص الألبوم شكله بيبان ودي بتزعل ناس، بس أنا بفهمها، ممكن يستبعد أغنية حلوة قوي هو شايف إنها ما بقتش شبه الإطار اللي هو عامله للألبوم يعني.. هو بيحاول يبقى عنده كده حاجات معينة عايز يوصل لها من الألبوم، فاشتغلنا وخلصنا أغاني أكتر من اللي نزلوا.. بس يعني الحمد لله برضه أنا..”.

أما الشاعر مصطفى حدوتة، فكشف عدة كواليس جديدة عن تعاونه مع عمرو دياب في ألبوم “حبيتك”، حيث أنه أكثر الشعراء تعاوناً مع عمرو دياب في الألبوم، برصيد 3 أغاني، وأبرزها أغنية “الألوان”، والتي أثارت جدلاً واسعاً بسبب كلماتها الغزلية، وقال في تصريحات له مع برنامج “الحكاية” مع الإعلامي عمرو أديب، أنه يعمل مع عمرو دياب على العديد من الأغاني طوال العام، ولا يعرف حتى لحظة صدور الألبوم الأغاني التي سيقدمها عمرو دياب للجمهور، وفوجيء مثل الجمهور باختيار عمرو دياب 3 أغاني له في الألبوم.