![قالت الزاهد في تصريحاتها: "الحياة مش كلها وردي ولا كلها وحشة، ومش لازم أي اثنين يسيبوا بعض يبقى في مشاكل بينهم"، وأكدت](https://nogoum.net/wp-content/uploads/2023/11/Copy-of-Website-featured-image10-3-780x470.jpg)
خرجت النجمة المصرية هنا الزاهد عن صمتها حول أسباب انفصالها عن أحمد فهمي، وذلك خلال تصريحات إذاعية لها مؤخراً.
هنا الزاهد تتحدث عن كواليس طلاقها من أحمد فهمي
قالت الزاهد في تصريحاتها: “الحياة مش كلها وردي ولا كلها وحشة، ومش لازم أي اثنين يسيبوا بعض يبقى في مشاكل بينهم”، وأكدت أن عدم التوافق هو سبب من أسباب انفصالها عن أحمد فهمي.
وتابعت: “في ناس مش بيتوفقوا مع بعض والنصيب مش بيكمل، لكن بيبقوا في منتهى الشياكة والاحترام”، لافتة إلى أنها كانت تجمعها علاقة صداقة بالنجم أحمد فهمي والتي تحولت لزواج فيما بعد، كما أنهما بينهما عشرة طويلة كزوجين دامت لمدة 5 سنوات.
وتحدثت أيضاً هنا الزاهد عن كواليس علاقتها بأحمد فهمي بعد الطلاق وقالت: “إحنا كنا أصحاب في الأول، وبينا عشرة كبيرة 5 سنين، وأكيد في بينا كل احترام وهو شخص محترم جدا، ومش حاملة هم إني أشوفه، بالعكس شوفنا بعض في حفل جوي أوردز وسلمنا على بعض عادي، وهو دلوقتي صديق وزميل في نفس المهنة”.
وأكدت هنا الزاهد أن الانفصال في البداية يكون أمر صعب بسبب العشرة بين أي اثنين وأوضحت: “الانفصال في الأول حاجة صعبة جدا عشان العشرة، لكن الحياة مكملة ولازم تقفي وتكملي، والحمد لله أنا تمام ومبسوطة وهو مبسوط جدا”.