ياسمين عز، الأعلامية المصرية، أشارت في حلقة المس إلى أنها لاحظت بعض الأماكن تروج لمنتجات على أنها تفتح البشرة وتضع اسمها وصورتها، مؤكدة أن ما قيل بشأن أخذها لأبر لتفتيح بشرتها غير حقيقي، وعار من الصحة.
ياسمين عز تحذر الفتيات من بعض مراكز التجميل
ردت الإعلامية ياسمين عز لأول مرة على أنباء خضوعها لحقن وعلاجات تجميلية لتفتيح البشرة، مؤكدة أنها كانت تتجاهل هذه الشائعات طوال الفترة الماضية، ولكنها لاحظت مؤخراً استغلال صورتها من أجل خداع الفتيات والسيدات، من بعض مراكز التجميل.
وأكدت ياسمين أنها ستتحدث عن الموضوع حتى تخلي ذمتها من أي ذنب، خاصة أن بعض الفتيات يقعن فريسة لهذه المنتجات، والتي يدعي البعض أنها تفتح البشرة بينما تضر بالصحة بشكل كبير.
وقالت ياسمين عز: من وقت ما مسحت إيدي بفوطة في برنامج رامز جلال وبيتقال إني باخد إبر وعاملة تفتيح، هو موضوع قديم، ولكن من كتر ما بيتعاد زهقت منه، ولكن هرد علشان الموضوع ممكن يضر حد.
وأضافت ياسمين عز: فيه شيء اسمه مونتاج يعني ممكن أتسأل سؤال ويحطوا إجابة في حتة تانية، وفي حلقتي مع رامز خدوا سؤال البياض حطوه في التجميل والعكس، والفرعون يعمل اللي هو عاوزه طالما مش سيرة ذاتية عن قصة حياتي الملهمة.
وتابعت ياسمين عز: الناس ما صدقوا قالوا إني باخد إبر تفتيح وده كلام فاضي ومش حقيقي، علشان كده قررت آخد تان وأرجع لك سمراء حمراء ذهبية خمرية.
وواصلت ياسمين عز: مفيش حاجة اسمها تفتيح بشرة، الحاجة الوحيدة اللي تفتحيها هو مخك مع فرعونك، والإجابة التانية إن البياض عمره ما كان مرتبط بالجمال وفيه سُمر غاية في الجمال، ومجتمعنا بيربط الجمال بالبياض وكأن البيضة ضمنت الجمال وفيه سمراوات زي القمر وجذابات وحلوين وواحدة بيضة مفيهاش أي جاذبية.. هل لو أنا بقيت سمرا هبطل أتكلم عن الفرعون؟
