يوسف الشريف تحدث عن كواليس عودته إلى شاشة رمضان بعد غياب طويل، وذلك خلال لقاء له مع برنامج “إي تي بالعربي”.
يوسف الشريف يقدم الكوميديا لأول مرة في رمضان 2025
يوسف الشريف كشف عدة كواليس جديدة عن مسلسله الجديد “فن الحرب”، وعبر عن شعوره بالترقب والتوتر قبل عرض المسلسل، وذلك بسبب غيابه الطويل عن الجمهور بالإضافة إلى شعوره بالتوتر قبل عرض أعماله الجديدة، وكذلك بسبب تقديمه في المسلسل العديد من الأشياء الجديدة لأول مرة في مسيرته.
وقال يوسف الشريف في تصريحاته من كواليس مسلسل “فن الحرب”: “أنا العادي بتاعي في أي عمل بدخله، بدخله كأني أول مرة بمثل، وأنا مستني رد فعل الناس ببقى قلقان جداً، والعمل ده بزيادة لأني بقالي شوية مش موجود وغايب.. بداية ما بدأنا نعلن عن العمل، رد فعل الناس حسسني بمسؤولية رهيبة”.
وكشف يوسف الشريف عن تفاصيل مشوقة عن مسلسل “فن الحرب”، وقال عن فكرة العمل: “ثلاثة أرباع الحاجات اللي عملتها كانت فكرتي، بس طبعاً مابحبش أقعد أقول كده لأن الكاتب بيبقى له إضافة، وإضافة قوية جداً.. دايماً بنبقى بنتعاون في ده، وخصوصاً عمرو سمير عاطف لأن في بينا تفاهم في أعمال قبل كده”.
أما عن القصة التي يقدمها في المسلسل، واستمراره في تقديم الأعمال التشويقية والغامضة، قال يوسف الشريف مازحاً: “طالما يوسف الشريف هتلاقي في تفكير وغموض وتشويق ده أكيد.. كتاب فن العرب معمول أصلاً عشان يعلم الجيوش استراتيجيات الحرب من 2500 سنة، وعرفنا إنه طلع منه علم الإدارة، إحنا استخدمنا الكتاب اللي معمول للجيوش والحروب في حاجات لايت جداً، هو ده الموضوع.
وتحدث يوسف الشريف عن تفاصيل الشخصية التي يقدمها في المسلسل، وكشف إنه يحسد شخصية “زياد” في العمل، وقال عن مواصفات هذه الشخصية: “شخصية زياد دي شخصية مجنونة جداً، متهورة جداً، ومنطلقة، وجريئة جداً.. وده اللي بيخليه يقبل على أفكار زي التنكر، بيبقى واثق إن خطته هتنجح، فكان لازم نروح مع زياد ده خالص، وزياد مختلف عني تماماً في الحقيقة، أنا بعيد خالص عنه.. زياد مجنون ولاسع وبلا قيود، لما يحط حاجة في دماغه يقعد يعمل خطط عشان ينفذها، وعادي إنه يتنكر ويبقى أقرع ويبقى عجوز”.
