دينا، الراقصة المصرية، كشفت خلال لقائها مع الإعلامية لميس الحديدي لبرنامج كلمة أخيرة على قناة on e، عن عدد زيجاتها، مؤكدة أنها ليست ” خطافة رجالة أو عديمة الأخلاق”.
دينا تكشف عن عدد زيجاتها
قالت الراقصة المصرية دينا خلال اللقاء : اتجوزت 9 مرات، وبعتبر ده قليل لأن الفنانة تحية كاريوكا تزوجت 13 مرة، وأنا بتنافس معها.
وتابعت: أقل جوازة قعدت سنة وأطول جوازة قعدت 5 سنوات، وأكتر شخص حبيته غير معروف إعلامياً، ولم أكمل معه لأن مهنتي صعبة.
واصلت دينا قائلة: دائماً ما أعطي أهمية للشغل عن الزواج، لأن لدي وجهة نظر، لو أخذتي مني حاجة مهمة بالنسبة لي وتنازلت عنها، سيطلب مني أشياء كثيرة من الصعب التنازل عنها، ولو تنازلت عن الرقص لن أصبح أنا، سأصبح مكسورة ومأخوذ مني شيئاً.
وأكدت دينا، أنها حاولت تغيير نظرة المجتمع للفنانة الاستعراضية المتهمة دوماً بأنها خطافة رجالة أو عديمة الأخلاق، وأضافت: من زمان أوي وأنا قاعدة داخل البالونة الخاصة بي، وواضعة فيها الناس اللي عايزة أشوفهم، والناس اللي بتتكلم عن الرقص بشكل سلبي بعتبرهم خارج البالونة وبمنع عني الصوت ده.
وتابعت: حاولت أخلي كل اللي حواليا يحترموني على قد ما قدرت، وكنت بتصرف بطريقة تليق ببني آدم محترم، حاولت دفعهم ليغيروا وجهة نظرهم في فكرة الراقصة، ففكرة الراقصة أنها منحلة وملهاش كبير وعديمة الاخلاق ودائماً سبابة وتخطف الرجالة، وتعرف الناس عشان فلوسها، دي وجهة نظر بني آدم مش وجهة نظر أو تركيبة رقاصة.
وقالت: قدامي طول العمر أغنى ناس، عمري ما فكرت ارتبط بحد أنا محبتوش، أنا مبختارش شخص عشان مواصفاته، ممكن يكون أقل راجل لكن فيه المواصفات اللي أنا عايزاها.
