كريم فهمي، الفنان المصري، تحدث خلال حفل توقيع روايته الجديدة “مملكة الموت”، عن مسلسله الأخير “أزمة منتصف العمر “، موضحاً أنه ليس لديه أي نية في تقديم جزء ثانِ من المسلسل.
كريم فهمي برفض تقديم جزء ثانِ من “أزمة منتصف العمر “
رد كريم فهمي على سؤال أنه شخصية سامة في مسلسل أزمة منتصف العمر، قائلاً: ده عمل درامي، وأنا سعيد بردود الفعل سواء اللي عاجبهم المسلسل أو اللي مش عجبهم؛ لأن ده نجاح، ولكن الحدوتة بتبين شخصية عمر بتتعامل إزاي مع كل واحدة سواء فيروز أو مريم أو سلمى، ولكن كوميكس الجمهور على الشخصية بتسعدني.
وعن وجود أو طرح فكرة جزء ثانٍ من العمل، أضاف كريم فهمي: أنا ضد فكرة نجاح المسلسل فنقدم منه جزء تاني؛ لأن دي حاجة مش صح، وعمر ما الجزء الثاني هينجح زي الأول .
وقال كريم فهمي خلال الندوة: بفكر في تقديم عمل فني آخر مع ريهام عبد الغفور بعد نجاح مسلسل أزمة منتصف العمر.
وفي سياق أدبي تحدث فهمي عن رواية مملكة الموت: أنا مؤلف سينمائي بحب الصور جداً، وده متحقق في مملكة الموت، وشهر فبراير مهم بالنسبة لي بسبب عيد ميلاد زوجتي وابنتي كاميليا، وربنا بيقدم أعظم سيناريو للإنسان، والمسلسل المفروض كان ينزل في رمضان اللي فات، وربنا أراد الـ3 أعمال ينزلوا سوا، وهي: فيلم أنا لحبيبي، أزمة منتصف العمر، ورواية مملكة الموت.