مدحت صالح، المطرب المصري، تحدث خلال حلوله ضيفاً على برنامج حبر سري مع الإعلامية أسما أبراهيم، مقارنته بينه بالنجم عمرو دياب أو غيره من المطربين، وأوضح أنه يرفض تماماً فكرة الترتيب والمقارنة.
ملخص تصريحات مدحت صالح في برنامج حبر سري
قال صالح في حديثه عن عمرو دياب:” تربع عمرو دياب على عرش الغناء ونجاحه يضايق الناس اللي قلوبها وحشة وضعيفة، ولكن الناس اللى قلوبها حلوة لا تغضب، فالفن بالنسبة لي حب بمعنى أنك تقبلي اللي قدامك لو فيه عيوب صغيرة، فأنا لا أتعامل مع الحب بالنقد أو بالقياس مع الآخرين”.
ورداً على سؤال: هل عمرو دياب هو أذكى المطربين على الساحة؟ قال مدحت صالح:” كل المطربين الموجودين على الساحة أذكياء ليه بنلخص الذكاء عند واحد فقط وكأن البقية أغبياء؟ لمصلحة مين نعمل كده” ؟.
وتابع قائلاً:” طوال الوقت أنا خارج فكرة الترتيب والمقارنات، أنا أحب الاستمتاع بحياتي واللي عايز يستمتع بحياته يفكر في الأشياء وليس في الأفراد، مشكلتنا ان احنا بنفكر في الأفراد، فأنا متعتي في الحياة بدون أن يحدث تشابك بيني وبين أي حد، هذه الأشياء عمرها ما شغلتني، إحنا عايزين نستمتع بفن الفنانين”.
وأضاف مدحت صالح:” أنا متعتي في الحياة أني أغني دون أن يحصل أي تشابك بيني وبين أي حد والمقارنة لا تشغلني، وأعتبر نفسي بره مدرسة الترتيب والألقاب، وأنا مبحبش التصنيف ولا الترتيب لأن ده مؤذى نفسياً لناس كتير، وعايزين نعلم الشارع أن المقارنة فكرة احنا اللي اخترعناها وأنا بحب استمتع بحياتي واللي عايز يستمتع بحياته يفكر في الأعمال مش الأشخاص”.
