صبا مبارك، الفنانة الأردنية، نشرت العديد من الرسائل المؤثرة بعد عرض مسلسلها “لحظة غضب” في النصف الأول من شهر رمضان 2024، ووجهت الشكر إلى فريق عمل المسلسل بالإضافة إلى زملائها.
رسالة مؤثرة من صبا مبارك بعد أصداء عرض مسلسل “لحظة غضب”
قالت صبا مبارك: “اسمحولي اشكر زملائي، محمد شاهين اللي مهما وصفت أنا قد ايه يحترمه وبحبه مش هعرف، عشان موهوب، بس متواضع، وبيتكسف لما حد يلمحله هو قد ايه رهيب وشاطر، غير انه حنين و جدع وبيسندك بابتسامة وبساطة مهما كان تعبان، وهعيد تاني موهوب، ربنا يحميك.. ناردين فرج، نرنر المتوترة واكتر واحدة بتخاف على شغلها وشاطرة، تركيز ومذاكرة وتفاني، شخصية بتحب الصح وتعمله واضحة وبسيطة ومن جواها طفلة كوميدية، اشتغلنا مع بعض مشروعين ورا بعض وكبرنا مع بعض وأنا ممنونة للصداقة دي”.
وتابعت صبا مبارك في رسالتها: “علي قاسم اقل ما ينقال عنه انه من اهم ممثلي جيله مستحيل يقبل أو يستسهل اي شيء مش حاسو او مقتنع بيه، مركز عن مختبر في ناسا وبيحب التمثيل من نص قلبو وبيحمي مهنته مهما كان الظرف، سارة عبد الرحمن انتي حبيبتي، وأستاذه صفوة العسل وآدم النحاس وريم خوري وحسن ابو الروس واي حد مذكرتوش انتم جميعا في القلب، اخيرا عايزة اشكر النجم الكبير محمد فراج على وجوده معانا الي خلا المسلسل اهم و احلى، شكرا يا فيجو على موهبتك وتواضعك ونورتنا.. شريف اللطيف.. الشكر لله. .وشكرا للجمهور اللي رفعنا و دافع عننا وحبنا”.
واحتفلت ناردين فرج بتجربتها في مسلسل “لحظة غضب”، وقالت في رسالتها بعد انتهاء عرضه: “فركش لحظة غضب بتمنى يكون المسلسل عجبكم وحبيتوا نيرة زي ما أنا حبيتها.. وبشكر كل فريق العمل اللي اشتغلت معاهم، واستمتعت بكل لحظة في المسلسل وحقيقي كانت رحلة لذيذة جدًا وممتعة.. اتعلمت منهم الكتير.. شكرًا المنتج طارق الجنايني والمخرج عبدالعزيز النجار والكاتب مهاب طارق وبشكر كل فريق التصوير محمد عبدالرؤوف.. وبشكر صبا وشاهين وعلي وسارة وريم وصفوة.. هتوحشوني”.
