رسالة مؤثرة من مريم نعوم لمخرج مسلسل “الهرشة السابعة”
مريم نعوم، مؤلفة مسلسل “الهرشة السابعة”، وجهت الشكر لمخرج وطاقم عمل مسلسل “الهرشة السابعة”، والذي يقوم بطولته كلا من أمينة خليل ومحمد شاهين، ويتم عرضه ضمن مسلسلات موسم رمضان 2023.
رسالة مؤثرة من مريم نعوم لمخرج مسلسل “الهرشة السابعة”
كتبت مريم نعوم عبر حسابها بموقع الفيس بوك : “أنا مابعرفش أعبر على الملأ، بس اللي هقوله أحب أقوله لك في ميدان عام.. أنا ممتنة جدا جدا للقدر اللي عرفنا ببعض وخلانا نشتغل سوا، كسبت صديق وشريك عمل، مش هتكلم عن الحاجات اللي كل الناس اتكلمت عنها، الموهبة والحرفية والشغف والإخلاص.. شهادتي فيها مجروحة، ومش ببطل كلام من وراك كأني مدير أعمالك مثلاً”.
وتابعت: “أنا هتكلم عن كواليس الرحلة.. أنا متشكرة جدا جدا جدا على كل المحبة والطاقة والموهبة اللي بتحطهم في الشغل، متشكرة على كل الأفكار الحلوة اللي بترميها على الترابيزة، واللي بتزق الشغل لقدام وبتاخده لمناطق أحلى وأحلى.. متشكرة على الاهتمام بكل التفاصيل، متشكرة على الثقة والدعم طول الرحلة دي وفي الرحلات اللي كملت واللي لم تكتمل”.
وأضافت مريم نعوم: واكتر حاجة متشكرة عليها الاحتواء.. أنت في رحلة كتابة وتنفيذ الهرشة السابعة احتويت واستحملت ظروف وقوعي المفاجئ مرتين بكل محبة وسعة صدر مع أني عارفة إنك كنت متوتر جدا جدا بس بتخبي عليّ عشان ماتنقليش التوتر ده.. دي حاجة عمري ما هنساهالك.. ربنا يكملك بإنسانيتك.. ويديم المحبة.
