علا غانم، كشفت عن خبر انسحابها من المشاركة في موسم رمضان 2024، وقالت إنها “ستكون ضيف خفيف” على الجمهور، وبعدها أعلن منتج مسلسلها “توحة”، تأجيل تصوير المسلسل للمرة الثانية على التوالي وأكد خروجه من السباق الرمضاني 2024.
علا غانم خارج منافسة موسم المسلسلات المصرية لرمضان 2024
كشفت علا غانم عن تلقيها عدة عروض بديلة للمشاركة في موسم المسلسلات المصرية لرمضان، وقالت في تصريحات تلفزيونية: في أكتر من عمل معروض عليّا، ولكن أنا بوعد الجمهور إني هكون ضيفة خفيفة عليهم في رمضان.
كما أكدت علا غانم، أنها لا تمانع تقديم سيرتها الذاتية ومشوارها خلال عمل فني، قائلة: “معروض عليّا أقدم مشواري الفني وحياتي في عمل فني، ولو هيتكتب بشكل يليق وفيه كل التفاصيل، أنا مش هبخل على جمهوري أبداً أن نعمل حدوتة حقيقة”.
وكشفت علا غانم، عن تحضيرها لفيلم جديد يجمعها بالفنانة إلهام شاهين، وقالت: “أنا بموت في إلهام شاهين وأي حاجة معاها هعملها على طول، وفي فيلم بيتكلم عن المرأة وعلاقتها بجوزها ولسه بيتكتب ولكن المنتج اتكلم معانا علشان ياخد موافقات مبدئية”.
وعلقت علا غانم على استقبال الجمهور لأعمالها الفنية بعد غياب عن الساحة استمر 7 سنوات وقالت:” أنا بعدت 7 سنين وكنت عايزة أحس بحب الجمهور ليّا، خاصة إني من الممثلين اللي قليل أوي حد يقولي برافو علشان خايفين أن ده يأثر على أدائي كممثلة، عايزين يحتفظوا بيا كممثلة، ورد فعل الجمهور فاق توقعاتي وكنت فاكرة إني لما هبعد أعمالي هتبعد معايا، ولكن مفيش شهر بيعدي إلا وعمل بيتعرض على الشاشة، وده بيدل على أن الجمهور بيحبني، وأنا حقيقي مقدرة حب الجمهور وأوعده أن اللي جاي أحسن كتير”.
