مي عمر، احتفلت بتصدر مسلسلها “إش إش” لقوائم المشاهدة في العشرة أيام الأولى في رمضان، وذلك من خلال رسالة عبر حسابها بانستقرام.
مي عمر تحتفل بتصدرها قوائم المشاهدة بمسلسل “إش إش”
كتبت مي عمر : “صحيت من النوم علي الخبر الجميل ده.. مسلسل إش إش و مسلسل سيد الناس يتصدورا أعلي نسب مشاهدات في شاهد علي مستوي العالم.. عايزة أوضح إن الأرقام دي هي مجموع مشاهدات المسلسلات في كل البلاد على شاهد، وبتتجمع وبتظهر التوتال على مستوى العالم.. العامل المشترك بين العملين هو المخرج محمد سامي.. لما يكون مخرج العمل هو محمد سامي، بتبقى عارف إنك هتبقى في الصدارة وهتنجح نجاح كبير بإذن الله”.
وتابعت مي عمر في رسالتها: “عايزة اشكر من قلبي كل الزملاء اللي كلموني او بعتولي يباركولي وقالولي اد ايه هما فرحانين ومبسوطين ان المتصدر أعلى نسب مشاهدات على شاهد في رمضان هو مسلسل مصري وكمان بطولة نسائية وده نادرا جدا انه يحصل.. الحمدلله انا مبسوطة جدا من رد الفعل ويا رب المسلسل كله يعجبكوا وشكرا لاجمل جمهور”.
أما المخرج محمد سامي فاحتفل معها قائلاً: “إش إش وسيد الناس في المقدمة بمسافة بعيدة علي مستوي العالم في مشاهدات شاهد، ربنا ما يقطع لنا عادة، ودايما نفرح الجمهور العربي كله، اللهم لك الحمد علي نعمة الصدارة، و يارب يكرم كل زمايلي وكل واحد تعب وأكيد كلنا مبسوطين ان المسلسلين اللي متصدرين هما مسلسلين مصريين، حاجة نفخر بيها كلنا”.
