كواليس مسلسل “كوبرا”، للفنان محمد إمام، شهدت احتفالات مميزة في نهاية التصوير، وفضل محمد إمام توجيه رسالة شكر مميزة إلى المخرج أحمد شفيق في نهاية التصوير.
محمد إمام ومنة فضالي يودعان مسلسل “كوبرا”
قال إمام في رسالته: “المخرج الكبير أحمد شفيق، مشوار طويل من اول قعدة لأخر حلقة.. فكر وقلق وتعب ومشاكل وضحك.. وكنا مع بعض لحظة بلحظة وبنصبر بعض.. وجه الوقت اني اتكلم عليه، تقريباً اكتر مخرج ارتحت في الشغل معاه، اشتغلت معاه زمان مسلسل خطوط حمرا اللي فرق معايا في مشواري، ودلوقتي كوبرا اللي نجاحه فوق الخيال، أستاذ احمد انا اتشرفت واستمتعت بالرحلة الجميلة دي معاك، شكراً على اخلاصك ومجهودك واخلاقك، شكراً على كل حاجة، النجاح ده بتاعك انت”.
أما منة فضالي المشاركة في المسلسل أيضاً فاحتفلت بانتهاء التصوير قائلة: “فركش كوبرا من احلي الأجواء واحلى لوكيشن مبروك لكل صناع العمل، ومليون مبروك للزعيم الصغير محمد امام، اطيب قلب صاحب بجد مبسوطة اننا اشتغلنا مع بعض ومبسوطة ان الجمهور تقبلني معاك وكسبت صديق قبل اي حاجة، مبروك نجاحك ودايما نجاحك فوق الخيال يا كوبرا”.
