أعلنت الفنانة المصرية مى كساب، عن أول بطولة مطلقة لها في موسم رمضان 2022، بعدما تعاقدت مع المنتجة مي سليم، على تقديم مسلسل كوميدي، وتمنت مي كساب أن يخرج العمل بصورة تليق بجمهورها، وان يكون سببا لسعادتهم في الشهر الفضيل، كما كانت مى كساب قد عادت للدراما بعد غياب طويل عبر حكاية “عقبال عوضك”.
و نشرت مى كساب صورة لها برفقة فريق عمل مسلسلها الجديد عبر حسابها بموقع التواصل الإجتماعى إنستجرام، وعلقت عليها قائلة: الحمد لله رب العالمين مضيت النهارده مسلسلي رمضان 2022، والمسلسل فكرة وتأليف نصر الدين ناجي سيناريو وحوار أحمد سعد والي محمد صلاح خطاب إبراهيم صابر علاء حسن وإخراج محمد عبد الرحمن حماقي إنتاج أجدع ست شفتها في حياتي اللي رجعتلي الأمل في الحياه مها سليم، شكرا من قلبي جمهوري الكبير إن شاء الله عمل كوميدي يليق بيكم و تنبسطو يارب إدينا من كرمك وفضلك”.
عودة مي كساب للدراما بعد غياب
يذكر أن مي كشفت مؤخرا وللمرة الأولى عن معاناة 11 عاما كاملة، لم تحصل فيها على فرصتها التي تليق بموهبتها ومكانتها، واستغلت مي كساب فترة العزل الصحي بعد إصابتها بفيروس كورونا، لمراجعة شريط حياتها بالكامل، وكشفت للمرة الأولى عن معاناتها طوال 11 عاما مضت، وقالت إن الله عوضها بنجاح مسلسلها الأخير، وأشارت إلى أن اللحظات الجميلة الوحيدة في هذه الفترة كانت مع عائلتها فقط.
كما قالت مى كساب : “شفت حقيقة نفسي حقيقة كل حاجه حواليه وعرفت قيمه كل حاجه وندمت على كل لحظه ظلمت فيها نفسي أو ظلمت حد من اللي بحبهم وبيحبوني اللي بتكتب دلوقتي مي بس بتاعه 2010 بس بمخ العشرين سنه اللي اشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضيه تمام الرضا على كل ابتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه أنا عدي عليه ١١ سنه صعبين جدا”.
وتابعت مى: “يمكن القريبين مني عارفين أنا استحملت إيه وواجهت إيه أنا مسحت كل لحظه مش عاوزه أشوفها تاني عشان بتفكرني إني كنت مش أنا وسببت كل لحظه وكل صوره بتعبر عني وعن اللي جوايا وعن أكتر حاجات مأثره جوابا كفنانة وكإنسانه ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة”.
